GBẸZAN KLISTIANI TỌN
Mì Plọn Ovi Mìtọn lẹ Nado Nọ Hẹn Homẹ Jiwheyẹwhe Tọn Hùn
Ovi lẹ họakuẹ na Jehovah taun. E nọ doayi e go eyin yé to nukọnyi to gbigbọ-liho bosọ to akọndonanu. (1Sa 2:26; Luk 2:52) Eyin yé tlẹ gbẹ́ pò to pẹvi, walọ dagbe yetọn gán hẹn homẹ Jehovah tọn hùn. (Hwh 27:11) Ewọ ko wleawuna azọ́nwanu dagbedagbe delẹ gbọn titobasinanu etọn gblamẹ, ehe mẹjitọ lẹ gán yizan nado gọalọna ovi yetọn lẹ nado yiwanna Jehovah bosọ setonuna ẹn.
PỌ́N VIDEO LỌ JỌJA LẸ EMI—AKỌNDONANU MÌTỌN NỌ HẸN HOMẸHUN JEHOVAH! ENẸGODO NA GBLỌNDO NA KANBIỌ HE BỌDEGO LẸ:
-
Nawẹ Jehovah ko gọalọna jọja lẹ bo deanana yé to owhe lẹ gblamẹ gbọn?
-
To alọnu din, azọ́nwanu tẹlẹ wẹ tin-to-aimẹ na mẹjitọ lẹ?
-
Eyin jọja de wẹ a yin, azọ́nwanu he titobasinanu Jehovah tọn wleawuna tẹwẹ wá dagbe na we, podọ etẹwutu?
