ATỌ̀HỌ̀-NUHIHỌ́ LỌ TỌN Sọha 2 2019 | Naegbọn N’Gbẹ́ Togbẹ̀ Taun?
Be nujijọ ylankan de ko hẹn we nado kanse pọ́n eyin a gán gbẹ́ duvivi gbẹninọ tọn ya?
Eyin Ogbẹ̀ Dózin Do We
Mí gán gbẹ́ duvivi gbẹninọ tọn mahopọnna nuhahun depope.
Eyin Nuylankan de Jọ
Biblu na ayinamẹ dagbe lẹ he gán gọalọna we nado doakọnnanu eyin nuylankan de jọ.
Eyin Mẹvivẹ de Kú
Pọ́n ayinamẹ dagbe atọ́n delẹ he gán gọalọna we nado doakọnna okú mẹvivẹ de tọn.
Eyin Mẹhe Yè Dà Doafọgbé
Susu mẹhe awetọ yetọn doafọgbé lẹ tọn wẹ ko mọ homẹmimiọn sọn Owe-wiwe lẹ mẹ.
Eyin A to Azọ̀n Sinsinyẹn de Jẹ
Pọ́n lehe mẹdelẹ ko doakọnna azọ̀n sinsinyẹn do.
Eyin Gbẹninọ Pé Agbọ́ We
Be apọ̀ ko ṣì we jẹ obá lọ mẹ pọ́n bọ a lẹn nado hù dewe ya? Fie wẹ a gán mọ alọgọ te?
Nuhewutu Mí Gán Duvivi Gbẹninọ Tọn
Eyin mẹdevo lẹ ma tlẹ yọ́n nuhahun he a to pipehẹ lẹ, Jiwheyẹwhe uwọ yọ́n yé bo jlo na gọalọna we.
‘E to Towe Dọ’
Wefọ Biblu tọn ehelẹ gán miọnhomẹna we bo na huhlọn we.
