Mọwẹ, eyin ninọmẹ dandan tọn lẹ ma suwhẹna nuyiwa ehe, wedegbẹ́ whẹdida tọn de na yin didoai, sinai do kunnudenu dolido he dohia dọ fẹnnuwiwa zanhẹmẹ tọn sọgan ko wá aimẹ lẹ ji.—1 Kọl. 6:18.

Pipli mẹho lẹ tọn nọ yí sọwhiwhe do gbadopọnna whẹho dopodopo nado yọnẹn eyin e biọ dọ wedegbẹ́ whẹdida tọn de ni yin didoai. Di apajlẹ: Be sunnu lọ po yọnnu lọ po to họntọn mẹ wẹ ya? Be yé ko mọ ayinamẹ yí pọ́n gando walọyizan yetọn hẹ ode awetọ go ya? Ninọmẹ tẹlẹ wẹ hẹn yé nado dọ́ ohọ̀ dopolọ mẹ? Be yé ko basi tito enẹ tọn dote dai wẹ ya? Be aliho devo tin he mẹ yé gán ko yinuwa te to whẹho ehe mẹ ya, kavi ninọmẹ dandan tọn lẹ, vlavo nujijọ madonukun de kavi owù nujijọ ajiji tọn de wẹ zọ́n bọ yé do mọdọ aliho devo ma tin hú ohọ̀ dopolọ mẹ didọ́ ya? (Yẹwh. 9:11) Fie wẹ yé dọ́? Na ninọmẹ lẹpo ma nọ yin dopolọ wutu, nudọnamẹ titengbe devo lẹ gán tin he ji mẹho lẹ na lẹnnupọndo.

To whenue adà whẹho lọ tọn lẹpo ko họnwun godo, pipli mẹho lẹ tọn na magbe eyin vlavo nuyiwa sunnu lọ po yọnnu lọ po tọn sọgan biọ dọ afọdide whẹdida tọn de ni yin zize.