1. Mì ze nukun daga

Zẹ̀ pópló daho lẹ go,

Bo pọ́n osó Jẹwhe tọn

He yin zizedaga.

Gbẹtọ lẹ to wiwá

Sọn fidindẹn lẹdo pé

Bo to yenọzo ylọ,

‘Wá sẹ̀n Jah bo setonu.’

Na ojlẹ lọ ko sọ̀

Na vude nido lẹzun fọtọ́n.

Dile mí to susu,

Mí nọ mọ anademẹ Jah tọn.

Livi susu wẹ wá

Bo yigbe nado sẹ̀n Jah.

Yé whlé nado yin nugbonọ

Bo gbọṣi Jah dè.

 2. Jesu degbena mí

Nado yì bo lá ’hó lọ.

Owẹ̀n Họl’duta lọ tọn

Ko jẹ mẹlẹpo dè.

Klisti to gandu din,

Bosọ to mẹlẹpo ylọ.

Mẹhe sè ’gbè ’tọn lẹ

Nọ hodo Ohó Jah tọn.

Ayajẹ nankọ die!

Gbẹtọ susugege jideji.

Mímẹpo t’alọgọ,

Na mẹlẹ nido yọ́n Jehovah.

Mí ni ze ’gbè daga

Bo ylọ mẹlẹpo wá dọ,

‘Mì wá na mí ni yì

Osó Jehovah tọn ji.’