Nudọnamẹ lẹ Gando Azọ́nwatẹn Mítọn lẹ po Dlapọn Bibasi po Go
Mí basi oylọna we nado wá dla azọ́nwatẹn po wezintẹn mítọn lẹ po pọ́n. Nọtẹn lọ lẹ po whenue a sọgan dla yé pọ́n po tin tofi.
Tours Resumed: In many countries, we resumed tours of our branch offices on June 1, 2023. For details, contact the branch you would like to tour. Please do not visit if you test positive for COVID-19, display cold or flu-like symptoms, or have recently been exposed to someone who tested positive for COVID-19.
Afrique du Sud
Yinkọ Zizedai Nado Wá Dla Mí Pọ́n
Be a dona ze yinkọ dai whẹpo do wá dla mí pọ́n wẹ ya? Mọwẹ. Na gbẹtọ nikaa sù hugan podọ na mẹlẹpo nido mọaleyi sọn dlapọn yetọn mẹ, nujọnu wẹ e yin dọ mẹhe jlo na wá dla mí pọ́n lẹpo ni ze yinkọ dai jẹnukọn, mahopọnna sọha yetọn. Ze yinkọ dai na dlapọn towe e whè gbau osẹ dopo jẹnukọnna wiwá towe. Eyin azán he tohọluduta dedovo de gbè wẹ a jlo na dla mí pọ́n te, mí to tulina we nado dọna mí ojlẹ dindẹn humọ jẹnukọn.
Nawẹ a sọgan ze yinkọ dai na dlapọn de gbọn? A sọgan tẹkan hlan mí kavi kanwehlan mí gbọn Intẹnẹt ji nado ze yinkọ dai.
Sọha alokan tọn mítọn: +27 11-761-1002
Adlẹsi Intẹnẹt ji tọn (E-mail): InboxBTHLTours.ZA@jw.org
Eyin a ma ze yinkọ dai jẹnukọn, be a gán gbẹ́ dla azọ́nwatẹn mítọn de pọ́n ya? Eyin a ma ze yinkọ dai jẹnukọn, e sọgan nọma yọnbasi nado mọtẹn na we. Na whẹho tẹnmẹ he tin-to-aimẹ tọn wutu, omẹ sọha de janwẹ gán basi dlapọn to azán dopodopo ji.
Ogàn nẹmu mẹ wẹ a dona wá na dlapọn lọ? E na yọ́n hugan dọ a ni wá to whenue gànmẹ dlapọn towe tọn pò nudi gànhiho dopo. Ehe na zọ́n bọ gbẹtọ ma na sù gbau to húnglintẹn lẹ podọ to fihe jonọ lẹ nọ nọte do.
Dlapọn
1 Robert Broom Drive East
Rangeview
KRUGERSDORP
1739
AFRIQUE DU SUD
Lundi jẹ vendredi
Sọn ogàn 8 mẹ jẹ ogàn 11 mẹ afọnnu, podọ sọn ogàn 1 mẹ jẹ ogàn 4 mẹ whèmẹ
Na dẹn na nudi gànhiho 2
Fie Yè Dona Plan We Disa Gbọn Lẹ (Nukunwhiwhe 45)
Dlapọn lọ nọ bẹjẹeji gbọn video homẹbibiọ tọn de pinpọn to Jonọyitẹn mítọn dali, ehe na do Owhé Bẹtẹli lọ tọn hia we to gigọ́ mẹ. A nasọ pọ́n video sọha de to dlapọn lọ whenu, ehe na do azọ́n he nọ yin wiwà to nuglọ to Bẹtẹli lẹ po lehe Bẹtẹli nọ nọgodona sinsẹ̀n-bibasi mítọn po do hia we.
Fie Hiẹ Ṣo Gán Disa Gbọn Lẹ
To fihe hiẹ ṣo gán disa gbọn lẹ, a na mọ video delẹ he yin awuwlena do ogbè otò lọ tọn voovo mẹ.
Nupọntẹn Owhé Bẹtẹli Tọn: Lẹdo ehe do otàn omẹ Jehovah tọn lẹ tọn to Afrique du Sud sọn 1914 jẹ 2014 hia bo sọgan yin didlapọn jẹnukọn kavi to whenue a ko gbọn fie yè dona plan we disa gbọn lẹ godo. Adà titengbe de tin-to-aimẹ na yọpọvu lẹ, fie yé sọgan pọ́n video dopo to video debọdo-dego lọ lẹ Lẹzun họntọn Jehovah tọn mẹ te.
Nupọntẹn Wezinjẹgbonu Tọn 2tọ: Video atọ̀n he to finẹ lẹ do lehe azọ́n lẹdogbedevomẹ tọn po wezinzin tọn po nọ yin bibasi to ogbè lẹdo lọ tọn lẹ mẹ do hia. Nupọntẹn he tofi na gọalọna we nado yinukundomọ lehe maṣinu wezinzin tọn mítọn awe lẹ nọ wazọ́n do. Nuhe sọ jẹna ayidego tofi wẹ yẹdide Biblu voovo delẹ tọn he do lehe oyín Jiwheyẹwhe tọn yin yiyizan to Biblu he tin to ogbè lẹdo lọ tọn delẹ mẹ do hia.
Nupọntẹn Wezinjẹgbonu Tọn 3tọ: Nupọntẹn he tofi na gọalọna we nado mọ azọ́nwatẹn agbànbẹdohlan tọn lọ to blebu mẹ, podọ a nasọ yinukundomọ fihe owe he yin biblá lẹ na yin didohlan tlọlọ. Video atọ̀n delẹ do lehe Plitẹnhọ Ahọluduta tọn lẹ nọ yin gbigbá do, lehe agbàn lẹ nọ yin didohlan do gọna lehe hoyidokanji po video lẹ po nọ yin awuwlena do hia.
Fie Dlapọn Basitọ lẹ Gán Gbọjẹ Te: To lẹdo he taidi jipa nkọ ehe mẹ, a sọgan duvivi ayidedai po núdùdù he a hẹnwa de po tọn. Húnglintẹn de wẹ nọtẹn ehe yin na mọto dahodaho lẹ podọ ohún lẹpo wẹ nọ yin ginglin do finẹ to azán he tohọluduta dedovo lẹ gbè. To azọ́nzán lẹ ji, a sọgan kùnhún towe sọn fide jẹ fidevo. Amọ́, to azán he tohọluduta dedovo lẹ gbè, mí na hẹn ohún daho de tin-to-aimẹ nado bẹ mẹlẹ sọn húnglintẹn lọ yì fihe na yin didlapọn lẹ.
To bladopọ mẹ
Mí nọ zín owe lẹ jẹgbonu bo nọ tọ̀ yé dopọ, gọna linlinwe, alọnuwe po alọnuwe pẹvi lẹ po do ogbè he hugan 150 mẹ bosọ nọ do yé hlan agun fọtọ́n susu lẹ to otò 20 mẹ. Mí nọ lilẹ́ Biblu po owe sinai do Biblu ji lẹ po gọna video lẹ do ogbè 20 linlán mẹ. Gbọn alọgọ Azọ́nwatẹn Họ̀gbigbá po Yẹdenanu po tọn he nọ deanana azọ́n họ̀gbigbá tọn to otò susu mẹ tọn gblamẹ, alahọ mítọn nọ nọgodona azọ́n Plitẹnhọ Ahọluduta tọn gbigbá tọn to otò Aflika tọn 42 mẹ.