Dogbapọnna Owe-Wiwe lẹ Egbesọegbesọ nọ bẹ wefọ tangan Biblu tọn de hẹn na azán dopodopo gọna zẹẹmẹ he gando wefọ lọ go. Owe ehe gán gọalọna we nado bẹ azán dopodopo jẹeji po hosọ Biblu tọn he na tulimẹ de po.

Dile etlẹ yindọ whedepopenu wẹ wefọ lọ po zẹẹmẹ etọn po sọgan yin hihia, mẹsusu nọ mọdọ e nọ yọ́n hugan nado gbadopọnna ẹn to bẹjẹeji azán lọ tọn. Gbọnmọ dali, yé sọgan lẹnnupọndo nuagokun lọ lẹ ji to azán lọ gblamẹ. Eyin a do whẹndo, mì na duvivi etọn eyin mì nọ gbadopọnna ẹn to pọmẹ.

A sọgan hia wefọ egbesọegbesọ tọn lọ to WESẸDOTẸN INTẸNẸT JI TỌN Watchtower Tọn ji, kavi a gán sọ mọ wunmẹ PDF tọn etọn na owhe lọ blebu yí to Intẹnẹt ji ehe sọgbe hẹ vọkan he yè zinjẹgbonu lọ.