Mene Ne Mulkin Allah?
Amsar Littafi Mai Tsarki
Mulkin Allah gwamnati ce ta ainihi da Jehobah Allah ya kafa. A cikin Littafi Mai Tsarki ana ce da “mulkin Allah,” “mulkin sama” domin yana sarauta daga sama. (Markus 1:14, 15; Matta 4:17) Gwamnati ce irin ta mutane, duk da haka ta fi ta mutane a kowane fasali.
Masarauta. Allah ya naɗa Yesu Kristi Sarkin Mulkin kuma ya ba shi iko fiye da wani masarauci ɗan Adam da ake da shi. (Matta 28:18) Yesu yana amfani da wannan ikon a yin nagarta ne kawai, tun da yake ya nuna cewa shi Shugaba ne wanda za a iya dogara gareshi kuma mai juyayi. (Matta 4:23; Markus 1:40, 41; 6:31-34; Luka 7:11-17) Tare da jagorar Allah, Yesu ya zaɓi mutane daga dukan al’ummai da za su yi “mulki bisa duniya” da shi a sama.—Ru’ya ta Yohanna 5:9, 10.
Tsawon Lokacin. Mulkin Allah za ya “tsaya har abada,” ba kamar gwamnatoci na ’yan Adam da yau suna nan goɓe ba su ba.—Daniel 2:44.
Talakawan. Duk wanda ya yi abin da Allah ke bukata gareshi zai iya zama talikin Mulkin Allah, ko daga ina ya fito.—Ayyukan Manzanni 10:34, 35.
Dokoki. Dokoki (ko kuwa umurnan) Mulkin Allah ba haramta munanan halaye ne kawai za su yi ba. Suna tsabtata ɗabi’ar talakawan. Alal misali, Littafi Mai Tsarki ya ce: “Ka yi ƙaunar Ubangiji Allahnka da dukan zuciyarka, da dukan ranka, da dukan azancinka. Wannan ce babbar doka kuma ita ce ta fari. Ta biyu mai-kamaninta kuma ta ce, “Ka yi ƙaunar maƙwabcinka kamar ranka.” (Matta 22:37-39) Ƙaunar Allah da maƙwabci zai sa talakawan Mulkin su aikata da kyau yadda zai amfane wasu.
Ilimi. Da yake Mulkin Allah zai kafa wa talakawansa mizanai, zai kuma koyar da mutane yadda za su bi mizanan.—Ishaya 48:17, 18.
Aikin. Mulkin Allah ba zai wadata masu sarautan kuma ya cuci talakawansa ba. Maimakon haka, zai cika nufin Allah, har da alkawarinsa cewa waɗanda suke ƙaunarsa za su rayu har abada a duniya.—Ishaya 35:1, 5, 6; Matta 6:10; Ru’ya ta Yohanna 21:1-4.
Mai Yiwuwa Za Ka Kuma So
MUHIMMAN KOYARWAR LITTAFI MAI TSARKI
Mene ne Mulkin Allah?
Sa’ad da Yesu ya duniya, ya koya wa mutane game da Mulkin Allah fiye da wani batu. Mutane sun dade suna addu’a cewa Mulkin ya zo.
HASUMIYAR TSARO
Wane ne Sarkin Mulkin Allah?
Marubutan Littafi Mai Tsarki da dama sun rubuta abubuwan da za su taimaka mana mu san wanda zai zama Sarkin Mulkin Allah. A duk tarihin ’yan Adam, wannan kwatancin ya dace da mutum daya ne kawai.
AMSOSHIN TAMBAYOYIN LITTAFI MAI TSARKI
Shin Mulkin Allah a Zuciyarka Yake?
Mene ne Littafi Mai Tsarki yake nufin sa’ad da ya ce “mulkin Allah yana nan a cikinku”?
AMSOSHIN TAMBAYOYIN LITTAFI MAI TSARKI
Mene Ne Mulkin Allah Zai Yi?
Ka koyi abin da za ka yi tsammaninsa sa’ad da gwamnatin Allah za ta yi sarauta a duniya.
GAME DA MU
Ka Aika Sako don A Ziyarce Ka
Za ka so ka san amsar wata tambaya daga Littafi Mai Tsarki ko wani abu game da Shaidun Jehobah.