ʻO Iēhova ke Akua hauʻoli. Makemake ʻo Iēhova i ka ʻohana e hoʻohauʻoli. He nū hou maikaʻi kēia. (1 Timoteo 1:11) Ua hana ʻo ia i ka male ʻana e hoʻolako i ka wahi palekana e hānai i nā keiki. Pono nā Kalikiano e hoʻolono i nā kānāwai i ka ʻāina nei no ka male ʻana.​—E heluhelu iā Luka 2:​1, 4, 5.

He aha ka manaʻo o ke Akua no ka male ʻana? Makemake ʻo ia e paʻa i ka male ʻana ma waena o ke kāne a me ka wahine. Makemake ʻo Iēhova i ke kāne a me ka wahine e kūpaʻa i kekahi i kekahi. (Hebera 13:4) Inaina ke Akua i ka ʻoki ʻana o ka male ʻana. (Malaki 2:16) ʻAe wale ʻo Iēhova i ka ʻoki ʻana a me ka male hou ʻana inā kekahi o nā hoa male e moekolohe.​—E heluhelu iā Mataio 19:​3-6, 9.

Ua hana ʻo Iēhova i ke kāne a me ka wahine e hoʻokō i ko lāua kūlana. (Kinohi 2:18) ʻO ke kāne ke poʻo i ka ʻohana. No laila, no kona ʻohana, pono ʻo ia e hoʻolako i nā mea no ke kino a e aʻo aku iā lākou e pili ana i ke Akua. Pono ʻo ia e aloha i kāna wahine e like me iā ia iho. Pono nā kāne a me nā wāhine e aloha aku a e hōʻihi aku i kekahi i kekahi. Hemolele ʻole nā kāne a me nā wāhine. No laila, ʻo ka huikala ʻana ka mea nui no ka hauʻoli ʻana i ka male ʻana.​—E heluhelu iā ʻEpeso 4:​31, 32; 5:​22-25, 33; 1 Petero 3:7.

Inā loaʻa iā ʻoe ka pilikia he nui i loko o ka male ʻana, mai haʻalele. E mālama i kekahi i kekahi me ke aloha.  (1 Korineto 13:​4, 5) ʻAʻole ʻāpono ka Paipala i ka hoʻokaʻawale ʻana e hoʻoponopono i nā pilikia maʻamau i loko o ka male ʻana.​—E heluhelu iā 1 Korineto 7:​10-13.

Makemake ʻo Iēhova iā ʻoe e hoʻohauʻoli. Hāʻawi aku ʻo ia iā ʻoe i kona ʻōlelo aʻo e hoʻohauʻoli i kou wā ʻōpio. Makemake ʻo Iēhova iā ʻoe e hoʻolohe i ka naʻauao o kou mau mākua. (Kolosa 3:20) Inā hana ʻoe no Iēhova a me kāna keiki kāne, e hauʻoli ana ʻoe.​—E heluhelu iā Ke Kahuna 11:9–12:1; Mataio 19:​13-15; 21:​15, 16.

Pono ʻoe e hoʻolako i ka mea ʻai, ka hale, a me ka lole no kāu keiki. (1 Timoteo 5:8) Akā, pono nō hoʻi ʻoe e aʻo aku iā lākou e aloha i ke Akua a e aʻo mai maiā ia. (ʻEpeso 6:4) Ma muli o kāu aʻo ʻana aku, e loaʻa ana i nā keiki ka hauʻoli. E hōʻike i kou aloha no ke Akua. Ke aʻo aku ʻoe mai ka Paipala, hiki iā ʻoe ke hoʻololi i ka noʻonoʻo ʻana a me ka naʻau a kāu keiki.​—E heluhelu iā Kānāwai Lua 6:​4-7; Solomona 22:6.

Pono nā keiki e aʻo aku ʻia me ka pololei. Pono nā keiki i ke aʻo ikaika ʻana. (Solomona 22:15) ʻAʻole loko ʻino ke aʻo ʻana aku. Pono nā keiki i ka paipai ʻana a me ka hoʻāpono ʻana. ʻO ka hopena o ke aʻo ʻana aku nā pōmaikaʻi, ʻo ia hoʻi, e hana maikaʻi ana lākou, a e hauʻoli ana lākou.​—E heluhelu iā Kolosa 3:21.

Paʻi ʻia kekahi mau puke e Nā Hōʻike a Iēhova. Kōkua kēia mau puke i nā mākua a me nā keiki. ʻO ka Paipala ke kahua o kēia mau puke.​—E heluhelu ia Halelū 19:​7, 11.