bhajan 145:1-21
daavid ka racha hua taareef ka geet.
א [aalef ]
145 hey mere parmeshvar, mere raja, main teri badai karoonga,+sada tak tere naam ki taareef karoonga.+
ב [beth ]
2 main saara din teri taareef karoonga,+sada tak tere naam ki taareef karoonga.+
ג [gimel ]
3 yahova mahan hai, sabse zyada taareef ke kaabil hai,+uski mahanta hamari samajh se pare hai.+
ד [daalath ]
4 peedhi-dar-peedhi log tere kaamon ki taareef kareinge,tere shaktishali kaamon ka bakhan kiya kareinge.+
ה [hey ]
5 woh teri mahima, tere pratap aur vaibhav ke baare mein batayenge+
aur main tere aashcharya ke kaamon par manan karoonga.
ו [vaav ]
6 woh tere vismaykari kaamon* ke baare mein batayengeaur main teri mahanta ka ailan karoonga.
ז [jain ]
7 woh teri apar bhalai yaad karke bade josh se uski charcha kareinge,+teri neki ke kaaran khushi se jayjaykar kareinge.+
ח [heth ]
8 yahova karuna se bhara aur dayalu hai,+krodh karne mein dheema aur atal pyar se bharpoor hai.+
ט [teth ]
9 yahova sabke saath bhala karta hai,+uski daya uske sab kaamon mein dikhayi deti hai.
י [yodh ]
10 hey yahova, tere sab kaam teri mahima kareinge,+tere vafadar log teri taareef kareinge.+
כ [kaaf ]
11 woh tere raaj ke aishvarya ka ailan kareinge+aur teri mahashakti ka bakhan kareinge,+
ל [laamedh ]
12 taaki log tere shaktishali kaamonaur tere raaj ke aishvarya aur vaibhav+ ke baare mein jaanein.+
מ [mem ]
13 tera raaj sada tak kaayam rehnevala raaj hai,tera raaj peedhi-peedhi tak bana rahega.+
ס [saamekh ]
14 yahova girnevale sabhi logon ko sambhaalta hai+aur un sabko uthata hai jo jhuk gaye hain.+
ע [aiyin ]
15 sabki aankhein ummeed se teri or lagi rehti hain,tu unhein vakt par khaana deta hai.+
פ [pe ]
16 tu apni mutthi kholkarharek jeev ki ichha poori karta hai.+
צ [saade ]
17 yahova har kaam mein nek hai,+woh har kaam vafadari se karta hai.+
ק [kof ]
18 yahova un sabke kareeb rehta hai jo use pukarte hain,+jo sachche dil* se use pukarte hain.+
ר [resh ]
19 woh un sabki ichha poori karta hai jo uska dar maante hain,+woh unki madad ki pukar sunta hai aur unhein chhudata hai.+
ש [sheen ]
20 yahova un sabki hifazat karta hai jo usse pyar karte hain,+magar sabhi dushton ko woh mita dega.+
ת [taav ]
21 main apne munh se yahova ki taareef karoonga,+harek jeev sada tak uske pavitra naam ki taareef kare.+
