bhajan 4:1-8
daavid ka sureela geet. nirdeshak ke liye hidayat: yah geet taaronvale baaje bajakar gaaya jaaye.
4 hey mere nek parmeshvar,+ jab main tujhe pukaroon to mujhe javab de.
museebaton se ghir jaaun to mere liye koi raasta nikaal.*
mujh par kripa kar aur meri prarthna sun.
2 hey logo, tum kab tak mera aadar karne ke bajay apman karte rahoge,
bekar ki baaton se lagav rakhoge, jhooth ke peechhe bhaagte rahoge? (sela )
3 jaan lo, yahova apne vafadar jan ka khaas khayal rakhega,*jab main yahova ko pukaroonga to woh meri sunega.
4 agar tum gusse se bhar jaao, to bhi paap mat karo.+
bistar par lete man-hi-man socho aur shaant raho. (sela )
5 neki ke balidan chadhaoaur yahova par bharosa rakho.+
6 bahot-se hain jo kehte hain, “kaun hamein achhe din dikhayega?”
hey yahova, apne mukh ka prakash hum par chamka.+
7 toone mere dil ko unse zyada khushiyaan di hain,jinke paas bharpoor fasal aur nayi daakh-madira hai.
8 main befikra letoonga, chain se sounga,+kyonki hey yahova, sirf tu hi mujhe mehfooz rakhta hai.+
