bhajan 93:1-5
93 yahova raja bana hai!+
woh vaibhav ka libas pehne hai,yahova ne taakat dhaaran ki hai,kamar-patti ki tarah use pehne huye hai.
prithvi* ki buniyad mazbooti se kaayam ki gayi hai,yah hilayi nahin jaa sakti.*
2 teri raajgaddi muddaton pehale mazbooti se kaayam ki gayi thi,+tu hamesha se raha hai.+
3 hey yahova, nadiyaan ufan rahi hain,nadiyaan ufan rahi hain, garaj rahi hain,nadiyaan lagatar ufan rahi hain, zor se gadgada rahi hain.
4 unche par virajman yahova pratapi hai,gehre saagar ke garjan se bhi zyada shaktishali hai,+kinaron se takrati unchi-unchi lehron se bhi taakatvar hai.+
5 tu jo hidaytein yaad dilata hai woh poori tarah bharosemand hain+
hey yahova, pavitrata tere bhavan ko sada ke liye shobha deti hai.+
