yuhanna ke mutabik khushkhabri 11:1-57
11 baitniyah gaanv mein laazar naam ka ek aadmi beemar tha. uski behenein, maartha aur mariyam bhi isi gaanv mein rehti thi.+
2 darasal yah woh mariyam thi jisne prabhu par khushboodar tel undela tha aur uske pairon ko apne baalon se ponchha tha.+ beemar laazar isi mariyam ka bhaai tha.
3 isliye laazar ki behenon ne yeeshu ke paas khabar bheji, “prabhu, aakaar dekh! tera woh dost beemar hai jisse tu bahot pyar karta hai.”
4 magar jab yeeshu ne yah suna to kaha, “is beemari ka anjam maut nahin balki isse parmeshvar ki mahima hogi+ taaki iske zariye parmeshvar ke bete ki mahima ho sake.”
5 yeeshu, maartha aur uski behen aur laazar se bahot pyar karta tha.
6 magar jab usne suna ki laazar beemar hai, to woh jis jagah ruka tha vahaan do din aur ruk gaya.
7 iske baad usne chelon se kaha, “chalo hum fir se yahoodiya chalein.”
8 tab chelon ne usse kaha, “guru,+ abhi kuch hi vakt pehale yahoodiya ke log tujhe pattharon se maar daalna chahte the,+ kya tu fir vahin jaana chahta hai?”
9 yeeshu ne javab diya, “kya din ki raushni 12 ghante nahin hoti?+ agar koi din ki raushni mein chalta hai, to woh kisi cheez se thokar nahin khaata kyonki woh is duniya ki raushni dekhta hai.
10 lekin agar koi raat mein chalta hai, to woh thokar khaata hai kyonki usmein raushni nahin hai.”
11 ye baatein kehne ke baad yeeshu ne unse kaha, “hamara dost laazar so gaya hai,+ lekin main use jagane vahaan jaa raha hoon.”
12 chelon ne usse kaha, “prabhu, agar woh so gaya hai, to theek ho jaayega.”
13 darasal yeeshu kah raha tha ki laazar mar gaya hai, magar chelon ne samjha ki yeeshu sachmuch ki nind ki baat kar raha hai.
14 isliye yeeshu ne unhein saaf-saaf bataya, “laazar mar chuka hai+
15 aur main tumhari vajah se khush hoon ki main vahaan nahin tha taaki tum yakeen karo. magar ab chalo, hum uske paas chalte hain.”
16 isliye thoma ne jo judvaan kehlata tha, baaki chelon se kaha, “chalo hum bhi uske saath chalein taaki uske saath apni jaan dein.”+
17 jab yeeshu baitniyah pahuncha, to use pata chala ki laazar ko kabraa* mein rakhe chaar din ho gaye hain.
18 baitniyah, yarooshalem ke paas, kareeb teen kilometer* ki doori par tha.
19 bahot-se yahoodi, maartha aur mariyam ko unke bhaai ki maut par dilasa dene aaye the.
20 jab maartha ne suna ki yeeshu aa raha hai, to woh usse milne gayi. magar mariyam+ ghar mein baithi rahi.
21 maartha ne yeeshu se kaha, “prabhu, agar tu yahaan hota to mera bhaai na marta.
22 magar main ab bhi jaanti hoon ki tu parmeshvar se jo kuch maangega, woh tujhe de dega.”
23 yeeshu ne usse kaha, “tera bhaai zinda ho jaayega.”
24 maartha ne usse kaha, “main jaanti hoon ki aakhiri din jab mare huon ko zinda kiya jaayega,+ tab woh zinda ho jaayega.”
25 yeeshu ne usse kaha, “mare huon ko zinda karnevala aur unhein jeevan denevala main hi hoon.+ jo mujh par vishvas karta hai woh chahe mar bhi jaaye, to bhi zinda kiya jaayega.
26 aur har koi jo zinda hai aur mujh par vishvas karta hai, woh kabhi nahin marega.+ kya tu is par yakeen karti hai?”
27 usne kaha, “haan prabhu, mujhe yakeen hai ki tu parmeshvar ka beta maseeh hai, jise duniya mein aana tha.”
28 yah kehne ke baad woh chali gayi aur usne jaakaar apni behen mariyam se akele mein kaha, “guru+ aa chuka hai aur tujhe bula raha hai.”
29 jab mariyam ne yah suna to woh fauran uthi aur usse milne nikaal padi.
30 yeeshu ab tak gaanv ke andar nahin aaya tha. woh ab bhi vahin tha jahaan maartha usse mili thi.
31 jab un yahoodiyon ne, jo ghar mein mariyam ko dilasa de rahe the, dekha ki woh uthkar jaldi se baahar nikaal gayi hai, to woh bhi uske peechhe-peechhe gaye kyonki unhein laga ki woh kabraa*+ par rone jaa rahi hai.
32 jab mariyam us jagah aayi jahaan yeeshu tha aur uski nazar yeeshu par padi, to woh yah kehte huye uske pairon par gir padi, “prabhu, agar tu yahaan hota to mera bhaai na marta.”
33 jab yeeshu ne use aur uske saath aaye yahoodiyon ko rote dekha, to usne gehri aah bhari aur uska dil bhar aaya.
34 usne kaha, “tumne use kahaan rakha hai?” unhonne kaha, “prabhu, aa aur aakaar dekh le.”
35 yeeshu ke aansoo behene lage.+
36 yah dekhkar yahoodiyon ne kaha, “dekho, yah usse kitna pyar karta tha!”
37 magar kuch ne kaha, “jab is aadmi ne andhe ki aankhein khol di,+ to iski jaan kyon nahin bacha saka?”
38 yeeshu ne fir se gehri aah bhari aur kabraa* ke paas aaya. yah asal mein ek gufa thi aur iske munh par ek patthar rakha hua tha.
39 yeeshu ne kaha, “patthar ko hatao.” tab maartha ne jo mare huye aadmi ki behen thi, usse kaha, “prabhu ab tak to usmein se badboo aati hogi, use mare chaar din ho chuke hain.”
40 yeeshu ne usse kaha, “kya mainne tujhse nahin kaha tha ki agar tu vishvas karegi, to parmeshvar ki mahima dekhegi?”+
41 tab unhonne patthar hata diya. fir yeeshu ne aankhein uthakar swarg ki taraf dekha+ aur kaha, “pita, main tera dhanyavad karta hoon ki toone meri suni hai.
42 main jaanta tha ki tu hamesha meri sunta hai. lekin yahaan khadi bheed ki vajah se mainne aisa kaha taaki ye yakeen kar sakein ki toone hi mujhe bheja hai.”+
43 jab woh ye baatein kah chuka, to usne zor se pukara, “laazar, baahar aa jaa!”+
44 tab woh jo mar chuka tha baahar nikaal aaya. uske haath-pair kafan ki pattiyon mein lipte huye the aur uska chehra kapde se lipta hua tha. yeeshu ne unse kaha, “ise khol do aur jaane do.”
45 isliye bahot-se yahoodiyon ne jo mariyam ke paas aaye the aur jinhonne yeeshu ka yah kaam dekha, us par vishvas kiya.+
46 magar kuch logon ne jaakaar fareesiyon ko bata diya ki yeeshu ne kya kiya hai.
47 tab pradhan yaajak aur fareesiyon ne mahasabha ko ikattha kiya aur kaha, “hum kya karein, yah aadmi to bahot-se chamatkar kar raha hai?+
48 agar hum ise yoon hi chhod dein, to sab log is par vishvas karne lageinge aur romi aakaar hamse hamari jagah* aur raashtra donon chheen leinge.”
49 magar unmein se kaifa+ naam ke aadmi ne, jo us saal ka mahayajak tha, unse kaha, “tum kuch nahin jaante
50 aur yah nahin sochte ki yah tumhare hi faayde ke liye hai ki ek aadmi sab logon ki khaatir mare, bajay iske ki saara raashtra naash kiya jaaye.”
51 usne yah baat apni taraf se nahin kahi thi, balki us saal ka mahayajak hone ki vajah se usne yah bhavishyavani ki ki yeeshu poore raashtra ke liye apni jaan denevala hai
52 aur na sirf us raashtra ke liye, balki isliye bhi ki parmeshvar ke un sabhi bachchon ko ikattha karke ek kare, jo yahaan-vahaan titar-bitar hain.
53 isliye us din se woh yeeshu ko maar daalne ki saazish karne lage.
54 is vajah se yeeshu iske baad khullam-khulla yahoodiyon ke beech nahin ghooma, balki woh ilaka chhodkar veerane ke paas epraim+ naam ke shehar chala gaya aur vahin apne chelon ke saath raha.
55 yahoodiyon ka fasah ka tyohar+ paas tha aur bahot-se log gaanv aur dehaton se nikaalkar yarooshalem gaye taaki fasah se pehale khud ko kaanoon ke mutabik shuddh kar sakein.
56 vahaan woh yeeshu ko dhoondhne lage aur mandir mein khade hokar aapas mein kehne lage, “tumhein kya lagta hai, kya woh tyohar ke liye aayega hi nahin?”
57 pradhan yaajkon aur fareesiyon ne hukm diya hua tha ki agar kisi ko pata chale ki woh kahaan hai, to woh aakaar unhein bataye taaki woh use pakad* sakein.
kai footnote
^ ya “smarak kabraa.”
^ ya “smarak kabraa.”
^ ya “smarak kabraa.”
^ yaani mandir.
^ ya “giraftar kar.”
