PEBRERO 1, 2023
RUSSIA

“Indi ang Akon Sitwasyon ang Dapat Magbag-o”

I-PLAY

Sa indi madugay, ipahibalo sang Kovrovskiy City Court of the Vladimir Region ang desisyon sini sa kaso ni Brother Boris Simonenko. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Boris Simonenko

Natawo: 1955 (Ukraine)

Biograpiya: Nag-obra sia bilang minero

Napangasawa niya si Ida sang 1978. May isa sila ka bata nga lalaki nga si Aleksey

Nagtuon si Ida sa Biblia upod sa mga Saksi ni Jehova. Sang ulihi, nagtuon man si Boris sang makita niya nga naglinong ang ila kabuhi kay ginasunod sang iya asawa ang mga prinsipio sa Biblia. Nabawtismuhan si Ida sang 1996, si Aleksey sang 1998, kag si Boris sang 2000

Ang Iya Ginsiling

Bisan pa madamo nga pagtilaw ang imo naatubang, paano ka nakapabilin nga positibo?

May nadumduman ako nga isa ka pamulongpulong sa rehiyonal nga kombension nga nakabulig gid sa akon. Ang brother nagsiling: “Mas maayo pa nga mapriso nga nagatuo sa Dios sangsa hilway nga wala nagatuo sa Dios.” Nakabulig ini sa akon nga maintiendihan nga para mangin malipayon ako, indi ang akon sitwasyon ang dapat magbag-o, kundi kon paano ko ginatan-aw ang akon sitwasyon. Ginadumdom ko gid pirme ang iya ginsiling, kag napabakod ako sini nga padayon nga magbatas. Pareho sa ginsiling sang Salmo 27:13: “Ano ang matabo sa akon kon wala ako sing pagtuo nga makita ko ang kaayo ni Jehova samtang nagakabuhi ako?” Bisan pa 20 ka tuig na ako nga nagaalagad kay Jehova, ang akon ginaatubang subong nakabulig para mangin mas suod pa gid ako sa iya.

Sigurado kita nga padayon nga mangin mabakod kag malipayon si Boris kag ang iya pamilya samtang nagapabilin sila nga suod kay Jehova.—1 Cronica 16:27.

Time Line

Pebrero 8, 2021

Gingamit sang mga awtoridad ang pag-istoryahanay sa telepono nga sekreto nga ginrekord para sugdan ang pag-imbestigar sa iya
Pebrero 17, 2021

Gin-raid ang iya balay. Gin-interogar sia kag ginbutang sa temporary detention
Pebrero 18, 2021

Ginsugdan ang kaso. Gin-akusahan sia nga nagadumala sang mga miting sang mga Saksi ni Jehova gamit ang Internet. Ginbutang sia sa pretrial detention
Hulyo 13, 2021

Ginpagua sia sa pretrial detention pero gin-house arrest gihapon
Pebrero 17, 2022

Gintapos ang pag-house arrest pero ginbutangan sang restriksion ang iya pagbiyahe
Septiembre 15, 2022

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE