Sang Pebrero 28, 2019, ginpagua na ang katapusan nga Saksi ni Jehova sa South Korea nga ginpriso bangod sa neutralidad. Ang tanan nga brother nga ginhilway nagapasalamat gid kay hilway na sila liwat kag napamatud-an nila ang ila katutom kay Jehova.

Sa kabilugan, 65 ka brother ang ginhilway sugod sang ginpapanaug sang Korte Suprema ang desisyon sang Nobiembre 1, 2018, nga indi krimen ang pagpangindi nga magsoldado bangod sa konsiensia. Gintapos sini nga desisyon ang pagpriso sa mga nagapangindi nga magsoldado, nga 65 ka tuig nga ginahimo sa sini nga pungsod.

Ang pagtuo kag integridad sang mga kauturan naton sa South Korea nagapahulag sa aton nga ‘magpakita sing labi pa nga kaisog’ sa pag-alagad sa aton Hari kag sa iya Ginharian. (Filipos 1:14) Ginapangamuyo naton ang aton kauturan nga ara gihapon sa prisuhan sa Eritrea, Russia, Singapore, kag Turkmenistan.—Hebreo 10:34.