Ginhatag ni Jesus ang Iya Kabuhi Para sa Madamo

Ginsilingan ni Jesucristo ang iya mga sumulunod nga nagkari sia sa duta, “indi agod alagdon, kundi agod mag-alagad kag ihatag ang iya kalag subong gawad nga kabaylo sang madamo.” (Mateo 20:28) Kinabubut-on niya nga ginhatag ang iya kabuhi para makabenepisyo ang madamo.

Paano ang kamatayon ni Jesus naggawad sa aton? Ngaa kinahanglan ini? Para kay sin-o ginhatag ni Jesus ang iya kabuhi? Kag ano ang kahulugan sang iya kamatayon para sa imo?

Mainit kamo nga ginaagda sang mga Saksi ni Jehova nga mag-upod sa ila para usisaon ang sabat sang Biblia sa sini nga mga pamangkot. Sa sini nga tuig, ang anibersaryo sang kamatayon ni Jesus matuon sa Martes, Marso 30, pagtunod sang adlaw. Sa sina nga okasyon, mabatian mo ang mga sabat sang Biblia sa mga pamangkot sa ibabaw.

Mahimo ka makatambong sa Kingdom Hall nga pinakamalapit sa inyo balay. Palihug pamangkuta ang mga Saksi ni Jehova sa inyo lugar sang eksakto nga oras kag lugar nga hiwatan sini.