Gindesinyo Bala Ini?

Itlog sang Pispis kag Manok

● Ang itlog makabig nga “makatilingala nga paagi sa pagputos.” Ngaa?

Binagbinaga: Daw solido kon tan-awon ang itlog sang manok. Pero ang matuod, may mga 8,000 ini ka mapino nga buhobuho. Bangod sini, makasulod ang oksiheno kag makagua ang carbon dioxide amo nga makaginhawa ang piso. Pero, indi maimpeksion ang piso sang bakterya kay ginaproteksionan ini sang alukait kag puti nga putos. Ang klara, ang daw gelatin nga elemento nga madamo sing tubig, amo ang rason para indi ini maano bisan pa mauyog.

Gusto ilugon sang mga researcher ang desinyo sang itlog para makahimo sing mga produkto nga indi dali maguba bisan uyugon kag sing proteksion para sa mga prutas. Pero, “indi mahapos ilugon ang kinaugali,” siling ni Marianne Botta Diener sa Vivai nga magasin. Nakahimo man gid sila, pero makahalalit sa palibot.

Ano sa banta mo? Natabuan lang bala ang makatilingala nga itlog sang pispis kag manok? Ukon gindesinyo ini?

[Diagram sa pahina 28]

(Para sa aktual nga pormat, tan-awa ang publikasyon)

SA SULOD SANG ITLOG

Alukait

Batog

Chalaza (ginaangtan sang batog)

Naggua nga labotlabot

Nasulod nga labotlabot

Matamata

Manipis nga klara

Madamol nga klara

Bakante