Mabaton Mo ang Wala Katapusan nga Pagpakamaayo Halin sa Dios nga Mahigugmaon
Gusto mo bala nga wala na sang inaway, pagpamintas, kag pagdinumtanay?
Ginahandum mo bala nga tani wala na sang balatian, pag-antos, kag kamatayon?
Gusto mo bala nga indi ka na magkabalaka kag mamroblema?
Ginahandum mo bala nga mag-istar sa lugar nga wala sang mga kalamidad?
Ang aton mahigugmaon nga Dios, ang Manunuga sang aton matahom nga planeta, nagpromisa nga hatagan niya ang mga tawo sing malinong kag malipayon nga kabuhi asta san-o. Indi ini damgo lang.
Sa masunod nga mga artikulo, palihug binagbinaga:
Kon ano ang ginabatyag sang aton Manunuga sa mga tawo
Kon ano ang ginasugid sa aton sang nasulat nga Pulong sang Dios
Kon ano ang ginasugid sang mga propeta sang Dios parte sa iya ginpromisa nga mga pagpakamaayo
Kon ano ang puede naton mahimo para mangin malipayon subong kag mabaton ang wala katapusan nga pagpakamaayo sang Dios sa palaabuton
Sa pagsugod, binagbinagon naton ang tanan nga butang nga ginahatag sang Dios sa aton nga nagapakita nga palangga niya kita.
