Pinasahi nga Pamulongpulong Publiko

Matuod nga Paghidait kag Kalig-unan—San-o?

Madugay na nga ginahandum sang mga tawo ang paghidait kag kalig-unan. Pero asta subong, wala gihapon nila ini matigayon. Ngaa? Ang Biblia naghatag sing duha ka panguna nga rason. Ginasugid man sini sa aton nga nagpromisa ang Dios sing matuod kag walay katapusan nga paghidait kag kalig-unan para sa tanan.

San-o kag paano naton ini matigayon? Ano ang dapat mo nga himuon para maeksperiensiahan ini? Ini nga mga pamangkot sabton sa pamulongpulong publiko nga “Matuod nga Paghidait kag Kalig-unan—San-o?” Ining pamulongpulong nga ginbase sa Biblia mabatian sa bilog nga kalibutan sa sobra sa 230 ka kadutaan. Sa kalabanan nga lugar, hiwaton ini sa Kingdom Hall sang mga Saksi ni Jehova sa Domingo, Abril 18, 2010. Pamangkuta ang mga Saksi sa inyo lugar kon ano nga oras kag kon diin ini pagahiwaton. Ginaimbitar ka namon nga magtambong.