1. Dios nga Jehova, takus dayawon,

Amon ginabayaw tingog namon.

Ikaw amon ginapalapitan,

Hingyo namon imo pag-atipan.

Kami maluya may kakulangan;

’Gapangayo sing kapatawaran.

Ang Anak mo nagtubos sa amon.

Pagtudlo mo ginahandum namon.

2. Ang ginaagda mo malipayon,

Kay panudlo mo ila mabaton.

Sa Pulong mo, kami natuytuyan.

Templo mo handum namon nga puy-an.

Dalayawon ang imo nga gahom,

Nagahatag kaisog sa amon.

Dayawon ang imo Ginharian.

Dapat iwali ini sa tanan.

3. Ginahandum namon O Jehova,

Nga ang tanan sa imo magsimba.

Dulaon sang imo Ginharian,

Ang kamatayon kag kasakitan.

Mga malauton madula na.

Mga tinuga magakasadya.

Sa kadalag-an, aton ambahon:

‘Si Jehova nga Hari dayawon!’