Ano ang Kabubut-on sang Dios sa Akon Kabuhi?
Ang sabat sang Biblia
Ang kabubut-on sang Dios amo nga makilala mo sia subong isa ka Persona, mangin suod sa iya, kag higugmaon kag alagaron mo sia sa bug-os mo nga tagipusuon. (Mateo 22:37, 38; Santiago 4:8) Mahibaluan mo kon paano himuon ang kabubut-on sang Dios paagi sa kabuhi kag mga panudlo ni Jesus. (Juan 7:16, 17) Wala lamang ginsugid ni Jesus ang kabubut-on sang Dios, kundi ginhimo niya ini. Ang matuod, nagsiling si Jesus nga ang katuyuan sang iya kabuhi amo nga “himuon, indi ang akon kabubut-on, kundi ang kabubut-on sang nagpadala sa akon.”—Juan 6:38.
Kinahanglan bala nga may mabaton ako nga tanda, palanan-awon, ukon pagtawag para mahibaluan ko ang kabubut-on sang Dios para sa akon?
Indi, kay ara na sa Biblia ang mensahe sang Dios para sa mga tawo. Mabasa mo na diri ang imo kinahanglan agod ‘masangkapan sing bug-os para sa tagsa ka maayong buhat.’ (2 Timoteo 3:16, 17) Gusto sang Dios nga gamiton mo ang Biblia upod sa imo “ikasarang sa pagpangatarungan” para mahibaluan mo ang iya katuyuan sa imo.—Roma 12:1, 2; Efeso 5:17.
Mahimo ko gid bala ang kabubut-on sang Dios?
Huo, bangod ang Biblia nagsiling: “Ang iya [sang Dios] mga sugo indi gid man mabudlay tumanon.” (1 Juan 5:3, Ang Pulong sang Dios, APD) Indi buot silingon nga ang pagtuman sa mga sugo sang Dios mahapos pirme. Pero, kon tinguhaan mo nga himuon ini, daku gid nga benepisyo ang mabaton mo. Si Jesus mismo nagsiling: “Malipayon ang mga nagapamati sa pulong sang Dios kag nagatuman sini!”—Lucas 11:28.
Basi Manamian Ka Man
SABAT SA MGA PAMANGKOT SA BIBLIA
Ano ang Ginasiling sang Biblia Parte sa Kahilwayan sa Pagpili? Ang Dios Bala ang Nagakontrol?
Madamo ang nagapati nga ang aton kabuhi ginakontrol sang kapalaran. Ang aton bala mga ginapili may epekto sa aton kadalag-an?
IMPORTANTE NGA MGA PANUDLO
Pagpakig-abyan sa Dios—Posible Bala?
Halin sang una, gusto sang madamo nga tawo nga makilala ang ila Manunuga. Ang Biblia makabulig sa aton para mangin abyan kita sang Dios. Para mangin abyan naton ang Dios dapat anay naton makilala ang iya ngalan.
ANG LALANTAWAN
Ano ang Katuyuan sang Akon Kabuhi?
Nagapati ang iban nga ang panguna nga katuyuan sang kabuhi amo ang magmanggaranon ukon mangin bantog, pero may mas importante pa sa sini.
GINPAATHAG ANG MGA BERSIKULO SA BIBLIA
Ginpaathag ang Jeremias 29:11—“Ako Lamang ang Nakahibalo sang mga Plano Para sa Inyo”
May plano bala ang Dios sa kada isa sa aton?
ANG LALANTAWAN
Ginatuman mo Bala ang Dios?
Importante gid ang pagtuman sa Dios, pero indi lamang amo sina ang kinahanglan para mangin abyan niya.
PANUDLO SANG BIBLIA
Testingi ang Amon Pagtuon sa Biblia
Testingi ang libre nga interactive nga pagtuon sa Biblia upod sa isa ka instruktor.