1. Kuv haiv neeg’e, rau siab ntso tshaj,

Txoj xov txog lub Nceeg Vaj tiag.

Txhob ntshai peb cov yeeb ncuab kiag.

Qhia rau cov nyiam qhov tseeb tias,

Kuv Leej Tub Yexus Khetos tau

Muab yeeb ncuab pov los ntiajteb,

Tsis ntev Xatas yuav raug ntes kaw,

Tso tau neeg dim nws txhais tes.

2. Txawm nej cov yeeb ncuab muaj ntau leej,

Lawv hem thiab cem nej tsis tseg,

Ua lub ncauj lus zoo siab phem,

Los haub ntxias kom nej yuam kev.

Kuv cov tub rog, nej tsis txhob ntshai,

Txhob poob siab txog kev tsim txom,

Kuv yuav cawm cov muab siab npuab kuv

Mus kom txog thaum peb yeej hlo.

 3. Txhob ntshai tias tsam kuv tso koj tseg;

Kuv yog lub zog tiv thaiv koj.

Txawm koj tuag rau hauv tshav rog,

Kuv yeej tsa tau koj rov los.

Txhob ntshai cov uas tua tau lub cev,

Tiamsis txo tsis tau txojsia.

Muab siab npuab kuv mus txog thaum kawg;

Kuv mam pab koj tau txojsia!