Zaj Nkauj 142
Qhia Rau Ib Tsoom Neeg Sawvdaws
(1 Timaute 2:4)
-
Peb yeej xav xyaum raws li peb tus Vajtswv;
Xyaum raws li nws es tsis txhob saib ntsej muag.
Nws xav kom txhua tus neeg sawvdaws dim plaws,
Nws thiaj li caw kom txhua tus los cuag nws.
(TXAIS)
Saib tus neeg tsis saib qhov chaw,
Saib lub siab tsis saib daim tawv.
Cia peb qhia Vajtswv txojlus rau txhua tus.
Vim peb hlub tshua ib tsoom neeg,
Peb thiaj tshaj tawm rau txhua leej:
“Txhua tus yeej ua tau Vajtswv tus phoojywg.”
-
Txawm tias lawv yog neeg zoo li cas los xij,
Txawm tias lawv ntxim tsis yog ib tug zoo neeg,
Qhov uas tseem ceeb yog lawv lub siab lub ntsws;
Tus neeg Vajtswv pom yog tus neeg nruab nrog.
(TXAIS)
Saib tus neeg tsis saib qhov chaw,
Saib lub siab tsis saib daim tawv.
Cia peb qhia Vajtswv txojlus rau txhua tus.
Vim peb hlub tshua ib tsoom neeg,
Peb thiaj tshaj tawm rau txhua leej:
“Txhua tus yeej ua tau Vajtswv tus phoojywg.”
-
Vajtswv txais yuav txhua tus uas xav khiav deb
Ntawm lub ntiajteb thiab tej kev ntshaw kev phem.
Vim li no peb thiaj rau siab mus tshaj tawm
Rau neeg sawvdaws kom txhua leej txhua tus hnov.
(TXAIS)
Saib tus neeg tsis saib qhov chaw,
Saib lub siab tsis saib daim tawv.
Cia peb qhia Vajtswv txojlus rau txhua tus.
Vim peb hlub tshua ib tsoom neeg,
Peb thiaj tshaj tawm rau txhua leej:
“Txhua tus yeej ua tau Vajtswv tus phoojywg.”
(Rho ntawm Yh. 12:32; Ttx. 10:34; 1Tmt. 4:10; Tit. 2:11.)
