Pab Cov Uas Tsis Muaj Leejtwg Pab
Muaj coob leej ntau tus thoob ntiajteb tsis muaj mov noj thiab chaw nyob. Hos ib txhia tsis muaj kev vam kev cia siab rau yav tom hauv ntej. Ua li, peb puas pab tau cov uas tsis muaj leejtwg pab? Yog peb pab tau ces Vajtswv yuav foom koob hmoov rau peb.
VAJTSWV TXOJLUS HAIS LI NO
“Thaum koj muab rau tus pluag yog koj qiv rau [Yehauvas, NWT ] ntag, ces [Yehauvas, NWT ] yuav them rov rau koj.”—PAJLUG 19:17.
PEB PAB TAU LWM TUS LI NO
Yexus ua lus piv txwv txog ib tug txivneej uas raug tub sab ntaus. (Lukas 10:29-37) Ces muaj ib tug txivneej nres thiab pab tus raug ntaus ntawd txawm nkawd tsis yog ib haiv neeg los nws tseem zoo siab hlo pab.
Tus uas pab tus txivneej raug ntaus ntawd tsis yog pab qhwv nws tej qhov txhab xwb tiamsis tseem pab nyiaj txiag thiab. Nws ua li no kom tus txivneej raug ntaus ntawd txhob nyuaj siab.
Yexus siv zaj lus piv txwv no los qhia tias peb yuav tsum ua li peb ua tau los pab lwm tus. (Pajlug 14:31) Vajtswv Txojlus qhia tias tsis ntev tom ntej no, Vajtswv yuav rhuav tshem tej kev txom nyem nyuaj siab huv tibsi mus. Yog li ntawd, thaum twg Vajtswv mam li ua tej no, thiab nws yuav ua tej no li cas? Nyeem txuas ntxiv seb Vajtswv twb npaj tseg tej koob hmoov twg rau koj.
