Hadibaia Tauna 3:1-22
-
Gau ibounai be mai edia nega korikori (1-8)
-
Mauri moalelaia, Dirava ena harihari gauna (9-15)
-
Taunimanima edia kudouna ai noho hanaihanai urana ia atoa (11)
-
-
Dirava be hahemaoro goevana do ia karaia (16, 17)
-
Taunimanima bona animal ibounai be do idia mase (18-22)
-
Ibounai be kahu dekenai do idia giroa lou (20)
-
3 Gau ibounai be mai edia nega korikori,Tanobada dekenai idia karaia gaudia ibounai be mai edia nega:
2 Mara be mai ena nega bona mase be mai ena nega,Hadohado be mai ena nega bona geigei be mai ena nega,
3 Ala-ala be mai ena nega bona hahemauri* be mai ena nega,Hadikaia be mai ena nega bona haginia be mai ena nega,
4 Taitai be mai ena nega bona kiri be mai ena nega,Taitai mai boiboi ida be mai ena nega bona mavaru* be mai ena nega,
5 Nadi negea be mai ena nega bona nadi haboua be mai ena nega,Rosia be mai ena nega bona rosia lasi be mai ena nega,
6 Gau ta oi tahua be mai ena nega bona oi abia dae unai gauna do oi davaria lasi be mai ena nega,Gau ta dogoatao be mai ena nega bona gau ta negea be mai ena nega,
7 Dabua darea be mai ena nega+ bona dabua turia be mai ena nega,Herevahereva lasi be mai ena nega+ bona herevahereva be mai ena nega,+
8 Lalokau be mai ena nega bona inai henia karana be mai ena nega,+Tuari be mai ena nega bona maino be mai ena nega.
9 Ia gaukara tauna be iena hekwarahi amo dahaka namo ia davaria?+
10 Lau itaia Dirava ese taunimanima dekenai gaukara ia henia bona idia be unai sibona idia laloa bada.
11 Ia ese nega korikori ai gau ibounai ia karaia mai edia hairai.*+ Danu ia ese taunimanima edia kudouna ai noho hanaihanai urana ia atoa. To Dirava momokanina ese matamana amo ia lao dokona ai ia karaia gaukara be taunimanima ese do idia lalopararalaia lasi.
12 Lau davaria taunimanima edia mauri dinadia lalonai idia moale bona kara namodia idia karaia be namo,+
13 danu taunimanima ibounai do idia aniani, inuinu bona edia hekwarahi amo idia abia gaudia do idia moalelaia be namo. Unai be Dirava ena harihari gauna.+
14 Lau laloparara Dirava momokanina ese ia karaia gaudia ibounai be do idia noho hanaihanai. Unai gaudia dekenai gau ta do ita atoa kau eiava gau ta do ita kokia lasi. Dirava momokanina ese unai bamona ia karaia, unai amo taunimanima ese ia do idia gari henia.+
15 Idia vara gaudia be idia vara vadaeni. Bona gabeai do idia mai gaudia be idia mai vadaeni.+ Bona Dirava momokanina be dagedage idia davaria taudia edia namo ia tahua noho.*
16 Tanobada dekenai* inai lau itaia: Hahemaoro goevana ena gabu ai kara dika ia noho, bona kara maoromaoro ena gabu ai kara dika ia noho.+
17 Unai dainai egu lalona dekenai lau gwau: “Dirava momokanina ese kara maoromaoro taudia bona kara dika taudia do ia hahemaoro henia,+ badina gaukara bona kara ibounai be mai edia nega.”
18 Danu, egu lalona dekenai lau gwau Dirava momokanina ese taunimanima edia natudia do ia tohoa bona idia dekenai do ia hahedinaraia idia be animal ida idia hegeregere,
19 badina taunimanima dekenai ia vara gauna be animal dekenai do ia vara danu, idia dekenai gau tamona do ia vara.+ Animal idia mase hegeregerena, taunimanima idia mase, bona idia ibounai edia mauri siahuna* be tamona.+ Unai dainai taunimanima ese animal idia hereaia lasi, bona gau ibounai be anina lasi.
20 Idia ibounai be gabu tamona dekenai idia lao noho.+ Idia ibounai be kahu dekena amo idia mai,+ bona idia ibounai be kahu dekenai do idia giroa lou.+
21 Daika ia diba bema taunimanima edia mauri siahuna* be ia daekau, bona bema animal edia mauri siahuna be tano dekenai ia diho?+
22 Bona lau davaria tau ta ese ena hekwarahi amo ia abia gaudia ia moalelaia be namo,+ badina unai be iena ahuna. Bona ia mase neganai, ta be ia hegeregere lasi idia vara gaudia be ia dekenai do ia hahedinaraia.+
Futnout
^ Heb., “hanamoa.”
^ Heb., “roho isi.”
^ Eiava “dala maorona ai ia atoa namonamo.”
^ Heb., “taunimanima ese idia tahua noho gaudia ia tahua vadaeni.”
^ Heb., “dina henunai.”
^ Eiava “laga.”
^ Eiava “laga.”
