Mika 6:1-16
6 Umui taunimanima e, Iehova ena hereva mani umui kamonai.
Umui toreisi, emui kota herevana be ororo badadia vairanai umui gwauraia,Bona ororo maragidia ese emui gadona idia kamonai.+
2 Ororo bona tano henunai umui noho nadi badadia e,+Iehova ena kota herevana mani umui kamonai.
Oibe, Iehova be mai ena kota herevana iena taunimanima totona,Ia ese Israela taudia do ia gwau henia:+
3 “Egu taunimanima e, lau be umui dekenai dahaka lau karaia?
Edena dala ai umui latanai metau lau atoa?+
Mani lau dekenai emui samania herevana umui gwauraia.
4 Aigupito amo umui lau hamauria,+Igui tanona amo umui lau ruhaia.+
Umui idia gunalaia totona Mose, Arona bona Miriama lau siaia.+
5 Egu taunimanima e, mani emui kara, Moaba ena king, Balaki ese ia ura karaia gauna umui laloatao,+Bona Beoro ena natuna Balama ese ia dekenai ia henia haere do umui laloatao.+
Sitima ia lao Gilegala+ dekenai idia vara gaudia mani umui laloatao,+Unai amo Iehova ena kara maoromaoro karadia do umui diba.”
6 Iehova vairanai dahaka do lau henia?
Ataiai momokani Diravana tomadiho henia totona dahaka do lau bouboulaia?
Gabua bouboudia do lau henia, a?
Lagani tamona boromakau maragidia do lau bouboulaia, a?+
7 Iehova dekenai mamoe tau tausen momo,Bona sinavai bamona dehoro bada herea lau bouboulaia be do ia moalelaia, a?+
Egu gwau-edeede karana dainai, egu vara guna natuna mero do lau henia, a?
Egu kara dika totona egu natuna mero do lau henia, a?+
8 Tau e, Iehova ese oi dekenai dahaka be maoro ia hadibaia vadaeni.
Bona ia ura dahaka do oi karaia?*
Hahemaoro goevana* bona badinaia karana* do oi hahedinaraia,+Bona mai manau danu emu Dirava ida do oi raka!+
9 Iehova ena gadona be siti dekenai ia boiboi,Mai aonega ida idia kara taudia be emu ladana dekenai do idia gari.
Au ena matahakani bona au ia abia hidi tauna umui kamonai henia.+
10 Kara dika tauna ena ruma lalonai koikoi dalanai ia abia kohudia idia do noho, a?
Bona Dirava ese ia ura henia lasi witi sikelea uro* koikoina ia noho, a?
11 Bema lau be mai koikoi ida sikele lau gaukaralaia bona egu puse lalonai metau koikoi nadidia idia noho,Lau be lau goeva* diba, a?+
12 Badina siti ena taga tatau be dagedage momo taudia,Bona ena taunimanima be koikoi herevadia idia gwauraia,+Edia malana be mai ena koikoi.+
13 “Unai dainai, lau ese umui do lau botaia bona haberoa,+Emui kara dika dainai umui do lau hadikaia ore.
14 Do umui aniani to do umui bogakunu lasi,Do umui hitolo noho.+
Emui kohu do umui hunia, to do umui davaridia lou lasi,Bona umui huaia kohudia be emui inai taudia dekenai do lau henia.
15 Uhe do umui hadoa, to anina do umui gogoa lasi.
Olive do umui moia, to dehoro do umui gaukaralaia lasi,Bona wain matamata do umui karaia, to do umui inua lasi.+
16 Umui ese Omeri ena taravatu bona Ahaba ena ruma ai idia karaia gaudia umui badinaia,+Bona edia sisiba hegeregerena umui raka.
Unai dainai taunimanima be umui do idia itaia bona do idia gariBona taunimanima be siti lalonai idia noho taudia do idia hevasehalaia,+Bona umui do idia kirikirilaia.”+
Futnout
^ Eiava “ma haida dekenai hebogahisi bona ia noho hanaihanai lalokauna hahedinaraia.”
^ Eiava “maka tamona dekenai taunimanima kara henia.”
^ Eiava “oi amo dahaka ia noia?”
^ Eiava “kerere lasi.”
