LESENI 13
Tomadiho Koikoi ese Dirava Ena Ladana Idia Hadikaia Dalana
Bema Dirava be lalokau, dahaka dainai tomadiho momo ese kara dikadia idia karaia, ena be idia gwau idia be Dirava ena hesiai taudia? Ita gwau diba, idia be tomadiho koikoidia; edia kara eiava hereva dainai taunimanima ese Dirava ena ladana idia hadikaia. Edena dala ai tomadiho koikoi ese Dirava ena ladana idia hadikaia? Dirava ese edia kara be edena bamona ia laloa? Bona dahaka do ia karaia?
1. Edena dala ai tomadiho koikoi be edia hahediba herevadia amo Dirava ena ladana idia hadikaia?
Tomadiho koikoi ese “Dirava ena hereva momokani idia negea bona hereva koikoi idia abia dae.” (Roma 1:25) Hegeregere, tomadiho momo ese edia murinai idia raka taudia dekenai Dirava ena ladana idia hadibaia lasi. To Baibel ia gwau, Dirava ena ladana ita gaukaralaia be namo. (Roma 10:13, 14) Dika badana ta ia vara neganai, tomadiho gunalaia taudia haida idia gwau, unai be Dirava ena ura. To unai hereva be koikoi. Badina dika gaudia be Dirava ese ia havaraia lasi. (Iamesi 1:13 duahia.) To madi, tomadiho edia hahediba hereva koikoidia dainai taunimanima be Dirava amo idia daudau.
2. Edena dala ai tomadiho koikoi be edia kara amo Dirava ena ladana idia hadikaia?
Tomadiho koikoi ese taunimanima idia kara henia dalana be Iehova ena kara amo ia idau. Baibel ia gwau, tomadiho koikoi edia “kara dikadia be momo herea bona idia daekau lao ela bona guba.” (Apokalupo 18:5) Lagani handred lalodiai, tomadiho be politikol karadia lalonai idia vareai, tuari idia durua, eiava taunimanima momo hamasea karana idia abia dae. Tomadiho gunalaia taudia ma haida idia ura taga taudia ai idia lao, unai dainai edia dubu taudia amo moni idia abia. Unai karadia ese idia hamomokania idia be Dirava idia diba lasi, bona idia be iena hesiai taudia idia gwauraia be maoro lasi.—1 Ioane 4:8 duahia.
3. Dirava ese tomadiho koikoi be edena bamona ia laloa?
Bema tomadiho koikoi idia karaia gaudia ese oi idia habadua, oi laloa Iehova ena hemami be edena bamona? Ia be taunimanima ia lalokau henidia, to tomadiho gunalaia taudia ia badu henidia, badina iena ladana idia hadikaia bona edia dubu taudia idia kara namo henia lasi. Dirava ia gwauhamata, tomadiho koikoi do ia hadikaia bona “do idia davaria lou lasi.” (Apokalupo 18:21) Kahirakahira, Dirava ese tomadiho koikoi ibounai do ia hadikaia ore.—Apokalupo 18:8.
DIBA MA HAIDA ABIA
Dirava ese tomadiho koikoi ia laloa dalana oi tahua. Tomadiho koikoi ese ia karaia gaudia, bona dahaka dainai unai ese oi ia koua lasi Iehova oi dibaia totona, oi diba danu be namo.
4. Dirava be tomadiho ibounai ia abia dae lasi
Taunimanima momo idia abia dae, tomadiho idauidau be dala idauidau bamona, Dirava dekenai idia ibounai ia hakaua lao noho. To unai be momokani, a? Mataio 7:13, 14 duahia, bena inai henanadai herevalaia:
-
Baibel ese mauri ia lao henia dalana be edena bamona ia herevalaia?
VIDIO itaia, bona henanadai herevalaia.
-
Oi laloa Baibel ia gwau tomadiho momo ese Dirava idia hamoalea, a?
5. Tomadiho koikoi ese Dirava ena lalokau ia hahedinaraia lasi
Tomadiho ese dala idauidau ai Dirava ladana idia hadikaia. Unai dala dika hereana ta be idia ese tuari idia durua. Haheitalai ta itaia totona, VIDIO itaia. Bona henanadai herevalaia.
-
Tanobada Tuarina Iharuana ai, dubu idauidau be dahaka idia karaia?
-
Idia karaia gaukara be edena bamona oi laloa?
Ioane 13:34, 35 bona 17:16 duahia. Bena inai henanadai herevalaia:
-
Tomadiho be tuari idia durua neganai, oi laloa Iehova ena hemami be edena bamona?
-
Tomadiho koikoi ese dika momo idia havaraia. Edena dala haida ai oi itaia tomadiho ese Dirava ena lalokau idia hahedinaraia lasi?
Tomadiho koikoi ese Dirava ena lalokau ia hahedinaraia lasi
6. Dirava ia ura taunimanima be tomadiho koikoi amo ia ruhaia
Apokalupo 18:4 duahia, a bena inai henanadai herevalaia:
-
Dirava ia ura tomadiho koikoi ese ia hakaua kerere taudia ia hamauria karana oi dibaia dainai, emu hemami be edena bamona?
7. Dirava momokanina oi dibaia noho
Tomadiho koikoi edia kara bona hereva ese Dirava oi laloa dalana ia hadikaia be namo, a? Mani oi laloa natuna ta be tamana ese ia henia aonega sisibana ia dadaraia. Natuna be ruma ia rakatania bona mauri dikana ia badinaia matamaia. Tamana be natuna mero ena kara ia moalelaia lasi. Dahaka dainai natuna ena gwau-edeede karana dainai tamana oi bleim be maoro lasi?
-
Tomadiho koikoi edia kara dainai Iehova do oi bleim bona ia dibaia karana oi hadokoa be maoro, a?
HAIDA IDIA GWAU: “Lau ura lasi Dirava lau dibaia badina tomadiho ese hekwakwanai momo ia havaraia.”
-
Unai bamona oi laloa danu, a?
-
Dahaka dainai tomadiho koikoi edia kara ese Iehova ita laloa dalana ia hadikaia lasi be namo?
POINT BADANA
Tomadiho koikoi be edia hahediba hereva koikoidia bona kara dikadia amo Dirava ena ladana idia hadikaia. Dirava ese tomadiho koikoi do ia hadikaia ore.
Riviu
-
Tomadiho koikoi edia hahediba herevadia bona kara dainai emu hemami be edena bamona?
-
Iehova ese tomadiho koikoi be edena bamona ia laloa?
-
Dirava ese tomadiho koikoi dekenai dahaka do ia karaia?
REFERENS ITAIA
Tomadiho momo ese Dirava idia hamoalea lasi ena dala rua dibaia.
“Dubu Ibounai ese Taunimanima be Dirava Dekenai Idia Hakaua Lao, A?” (Websait atikol)
Dahaka dainai Iehova ia ura ma haida ida ia ita tomadiho henia?
“Gau Ibounai Ia Karaia Namonamo Tomadiho Oreana Lalonai Ita Noho be Gau Badana, A?” (Websait atikol)
Pris tauna ta be ena tomadiho dainai ia lalohekwarahi. To unai ese ia koua lasi Dirava ena hereva momokani ia dibaia totona.
“Pris Tauna Ta ese Iena Dubu Ia Rakatania Ena Badina” (Noga!, February 2015)
Lagani handred momo lalodiai, tomadiho momo ese hereva koikoidia amo taunimanima idia koia, unai dainai idia laloa Dirava be ita amo ia daudau bona ita ia laloa bada lasi. To oi abia diba maorona ese unai hereva koikoidia toi do ia hahedinaraia.
a Bema oi ura diba dahaka dainai Apokalupo bukana ese tomadiho koikoi be hahine ta ladana Babulonia Badana ida ia hahegeregerea, Hereva Ma Haida 1 itaia.
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
