Iesu be tanobada ai ia noho neganai, taunimanima ia lalokau henia bada, ogogami bona hisihisi idia davaria taudia danu. (Mataio 9:36) Bona ia ese ena mauri ia henia ma haida ia durua totona. (Mataio 20:28; Ioane 15:13) Kahirakahira Dirava ena Basileia ia lohiaia karana amo iena King siahuna do ia gaukaralaia ogogami maurina ia haorea totona, unai amo iena lalokau taunimanima totona do ia hamomokania lou.

 Iesu do ia karaia gaudia be Baibel ese ia herevalaia:

•   “Ia ese taunimanima huanai ladana maragi taudia ia gimaia be namo, ia ese ogogami taudia edia natudia memero ia hamauria, bona koikoi dalanai kohu idia abia taudia ia hamasea be namo.”​—Salamo 72:4.

 Edena dala ai Iesu ese ita totona ia karaia vadaeni gaudia bona gabeai do ia karaia gaudia dekenai tanikiu karana ita hahedinaraia diba? Luka 22:19 ai, Iesu ese iena murinai idia raka taudia ia hamaoroa ena mase idia laloatao totona. Unai dainai lagani ta ta ai, Iehova ena Witnes taudia be Iesu ena mase dinana laloatao totona idia hebou. Oi ai invait Sunday March 24 ai, Iesu ena mase laloatao Memorial hebouna oi mai totona.

Memorial Tahua