Iesu be raskol karadia bona kara gagevadia ese ia havaraia hisihisi ia diba. Ia idia samania koikoi, idia gwau taravatu ia utua dainai idia dadabaia, koikoi dalanai idia kota henia bona hisihisi bada lalonai ia mase. Ena be kerere ta ia karaia lasi, to mai ura ida “ena mauri ia henia, taunimanima momo edia mauri davana karaia totona.” (Mataio 20:28; Ioane 15:13) Hari ia be Dirava ena Basileia ena King dainai, daudau lasi ia ese tanobada ai kota maoromaoro do ia karaia, bona raskol karadia do ia haorea momokani.​—Isaia 42:3.

 Iesu ese tanobada ai do ia karaia gaudia be Baibel ese ia herevalaia:

•   “Nega daudau lasi murinai, kara dika taudia do idia noho lasi. Idia noho gabuna dekenai idia do oi tahua, to idia do oi davaria lasi. To manau taudia ese tanobada do idia abia, bona do idia moale bada, badina gabu ibounai dekenai maino do ia noho.”​—Salamo 37:10, 11.

 Edena dala ai Iesu ese ita totona ia karaia vadaeni gaudia bona gabeai do ia karaia gaudia dekenai tanikiu karana ita hahedinaraia diba? Luka 22:19 ai, Iesu ese iena murinai idia raka taudia ia hamaoroa ena mase idia laloatao totona. Unai dainai lagani ta ta ai, Iehova ena Witnes taudia be Iesu ena mase dinana laloatao totona idia hebou. Oi ai invait Sunday March 24 ai, Iesu ena mase laloatao Memorial hebouna oi mai totona.

Memorial Tahua