Oibe, elda oreana ese hahemaoro komiti ta ia abia hidi diba bema evidens ese ia hahedinaraia matabodaga karana be ia vara momokani.​—1 Kor. 6:18.

Elda oreana ese hahemaoro komiti ia do abia hidi lasi neganai, namona be ia vara hekwakwanai ta ta ia tahua (investigate) o lalopararalaia namonamo guna. Hegeregere, tadikaka be ia adavaia lasi kekeni (o hahine) ida idia ura heheni, a? Matamanai, idia ruaosi be kara ta idia karaia hebou dainai elda ese idia sisiba henidia vadaeni, a? Dahaka ia vara dainai unai hanuaboi ai idia ruaosi idia noho hebou? Idia be idaunegai palani idia karaia, unai hanuaboi ai idia noho hebou totona, a? Hekwakwanai ta ia vara kava bena mahuta gabuna ma ta ia davaria lasi dainai, unai kekeni (o hahine) be unai ruma ai ia mahuta, a? (Had. 9:11) Idia be edeseniai idia mahuta? Momokani, idia vara hekwakwanai ta ta be idauidau dainai, namona be elda ese gau ibounai ia tahua o lalopararalaia namonamo guna.

Elda oreana ese hahemaoro komiti ta ia abia hidi diba bema tadikaka bona ia adavaia lasi kekeni (o hahine) edia sivarai ese ia hamomokania, matabodaga karana be ia vara momokani.