RAU 1 AMO | DIRAVA BE OI IA LALOA BADA, A?
Dirava ese Oi Ia Boiria
“Tau ta be lau dekenai do ia mai diba lasi, bema Tamana, lau ia siaia tauna ese ia veria mai lasi.”—IOANE 6:44.
HAIDA IDIA DARADARA ENA BADINA: Momo idia abia dae Dirava ia noho, to idia mamia Ia be idia amo ia daudau. Hanaihanai dubu ia lao Ireland hahinena, Christina ia gwau: “Lau laloa Dirava be gau ibounai ia havaraia tauna sibona. To ia lau diba lasi, bona lau mamia ia be lau kahirakahira ia noho lasi.”
BAIBEL ENA HEREVA: Bema ita mamia ita be helaro lasi, Iehova ese hanaihanai ita ia durua. Dirava ese ita ia laloa dalana be Iesu ese inai bamona ia haheitalaia: “Bema tau ta ena mamoe be 100 bona ta ia boio, ia ese ororo dekenai unai 99 do ia rakatania bona do ia lao ia boio mamoena ia tahua totona, ani?” Ita dibaia gauna be dahaka? Iesu ia gwau: “Unai hegeregerena, egu Tamana guba dekenai be ia ura lasi inai ladana maragi tauna ta ia boio.”—Mataio 18:12-14.
Dirava ese ‘ladana maragi taudia’ ibounai ia laloa bada. Edena dala ai Dirava ese ia “boio mamoena ia tahua”? Ioane 6:44 ese ia hahedinaraia, Iehova ese taunimanima ia veria mai.
Hari daidia be taunimanima edia ruma bona pablik gabudiai, Dirava sivaraina be Baibel amo idia herevalaia?
Dirava ese kudou-maoro taudia ia veria mai dalana ita laloa. Aposetolo edia negai, Dirava ese Keristani hahediba tauna, Filipo ia siaia Etiopia tauna ta dekenai, bona Etiopia tauna ese ia duahia peroveta herevana ena anina ia gwauraia hedinarai totona. (Kara 8:26-39) Gabeai, Dirava ese aposetolo Petero ia siaia Roma ena ofesa ta ladana, Korenelio ia vadivadi henia, Korenelio be ia guriguri bona ia ura Dirava ia tomadiho henia. (Kara 10:1-48) Danu, Dirava ese aposetolo Paulo bona ena bamodia ia hadibaia Filipi siti ena murimuri ai ia noho sinavai ta dekenai idia lao. Unuseniai “Dirava tomadiho henia hahinena” Lidia idia davaria, bona “Iehova ese ena lalona ia kehoa bona Paulo ia gwauraia herevadia ia abia dae.”—Kara 16:9-15.
Unai sivarai lalodiai, Iehova ese dala ia kehoa ia idia tahua taudia ese ia idia diba totona. Hari daidia be taunimanima edia ruma bona pablik gabudiai, Dirava sivaraina be Baibel amo idia herevalaia? Momo idia gwau, “Iehova ena Witnes Taudia.” Sibona oi nanadaia, ‘Dirava be idia ia gaukaralaia lau ia boiria totona, a?’ Oi ai hagoadaia Dirava oi guriguri henia, unai amo do oi mamia ia be oi ia boiria. a
a Diba ma haida totona, Dahaka Dainai Baibel Oi Stadilaia? vidio be www.ps8318.com/ho ai oi itaia.
Reana Inai Danu Oi Ura
AI KARAIA GAUDIA
Dahaka Dainai Baibel Stadilaia?
Tanobada ibounai, taunimanima milioni momo edia henanadai badadia be Baibel ese ia haerelaia. Oi ura Baibel amo heduru oi abia, a?
