Pwovèb 30:1-33
30 Men mesaj enpòtan ki nan pawòl Agou yo, yon pitit gason Jake, pawòl li te di Ityèl ak Oukal.
2 Mwen pi sòt pase tout moun+,E mwen pa gen bon konprann yon moun dwe genyen.
3 Mwen pa aprann gen sajèsE mwen pa gen konesans Sila a ki pi sen an bay la.
4 Kiyès ki monte nan syèl la, apre sa pou l desann+?Kiyès ki kenbe van an nan de pla men l?Kiyès ki vlope dlo yo nan rad li+?Kiyès ki fikse* tout limit tè a+ genyen yo?Ki jan l rele e ki jan pitit li a rele, si w konnen?
5 Tout sa Bondye di bon nèt+.Li se yon boukliye pou moun ki pran refij nan li+.
6 Pa ajoute anyen sou pawòl li yo+.Si w fè sa, l ap ba w koreksyon,E w ap vin yon moun k ap bay manti.
7 Bondye, gen de bagay m ap mande w.Apa bagay sa yo, mwen pa bezwen anyen ankò toutotan m ap viv.
8 Fè m rete lwen pawòl ki pa verite ak pawòl manti+.Pa fè m ni pòv ni rich.Annik kite m jwenn kantite manje mwen bezwen pou m manje+,
9 Konsa, vant mwen pap vin plen e mwen pap nye w pou m ta di: “Kiyès ki Jewova a+?”Epitou, pa kite m vin pòv, pou m pa vòlè e pou m pa sal* non Bondye m nan.
10 Pa pale yon sèvitè mal devan mèt li.Si w fè sa, sèvitè a ka ba w madichon e w pap gen rezon+.
11 Gen yon jenerasyon moun ki bay papa yo madichonE ki pa respekte manman yo+.
12 Gen yon jenerasyon moun ki panse yo pwòp*+,Men, yo toujou pa pwòp akoz y ap benyen nan salte*.
13 Gen yon jenerasyon moun ki chaje ak ògèy lakay yo,Yo gade moun ak anpil awogans+.
14 Gen yon jenerasyon moun dan yo se epe,E machwè yo se kouto ki la pou touye sèlman.Y ap devore moun ki pi ba yo sou tè aE y ap devore malere yo nan monn nan+.
15 Sansi yo gen de pitit fi, yo chak ap di byen fò: “Ban m! Ban m!”Gen twa bagay ki pa janm satisfè,Kat bagay ki pa janm di: “Ase!”
16 Tonm*+, vant ki pa ka kenbe pitit,Tè ki pa jwenn dlo,Ak dife ki pa janm di: “Ase!”
17 Yon moun k ap pase papa l nan rizib e ki dezobeyi manman l+,Kaw ki nan vale yo ap kreve je lE ti èg yo ap manje je l nèt+.
18 Gen twa bagay mwen pa rive konprann*,E gen kat bagay mwen pa konprann:
19 Fason yon èg plane nan syèl la,Fason yon sèpan file sou yon mas wòch,Fason yon bato kouri nan mitan lanmè,Ak fason yon gason ye lè l avèk yon jèn dam.
20 Men ki jan yon fi ki nan adiltè aji:Li manje, li siye bouch li,Apre sa, li di: “Mwen pa fè anyen ki mal+.”
21 Gen twa bagay ki fè latè tranble,E gen kat bagay li pa ka sipòte:
22 Lè yon esklav vin wa+,Lè yon moun sòt gen twòp manje pou l manje.
23 Lè yon fi moun rayi* vin marye,Ak lè yon jèn ti sèvant pran plas* mètrès li+.
24 Gen kat bèt sou tè a pami bèt ki pi piti yoKi fèt ak tout sajès yo*+:
25 Foumi se pa yon bèt* ki gen fòs,Epoutan, li pare manje l nan sezon chalè+.
26 Daman*+ se yon bèt* ki pa gen anpil fòs,Epoutan, li fè kay li nan gwo mas wòch+.
27 Krikèt+ pa gen wa,Epoutan, yo avanse tankou yon lame*+.
28 Zandolit+ ka mache nan mi san l pa tonbe,E li antre nan palè wa.
29 Gen twa bagay lè y ap mache ki fè moun sezi,Gen kat bagay ki estrawòdinè lè y ap deplase:
30 Gen lyon, bèt ki pi vanyan pase tout lòt bèt yo,Ki pa fè bak devan pèsonn+,
31 Gen chen ki konn fè chas yo, bouk kabrit yoAk yon wa ki ansanm ak lame l.
32 Si w fè lwanj pou tèt ou menm jan ak moun sòt+Oswa w gen nan tèt ou pou w fè sa,Met men sou bouch ou+.
33 Paske, lè yo bat lèt, li fè bè,Lè moun pran kou nan nen, li fè san,E lè yo fè kòlè yon moun monte, sa fè gen gwo kont+.
Nòt anba paj
^ Lit.: “leve”.
^ Oswa: “atake”.
^ Oswa: “yo nan kondisyon pou yo fè sèvis Bondye”.
^ Lit.: “poupou”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “twa bagay ki twò estrawòdinè pou mwen”.
^ Oswa: “moun pa renmen”.
^ Oswa: “sèvant ranplase”.
^ Oswa: “Ki gen anpil anpil sajès”.
^ Lit.: “pèp”.
^ Lit.: “pèp”.
^ Se yon bèt ki sanble ak yon gwo lapen san ke e ki viv nan zòn ki gen mas wòch.
^ Oswa: “yo fè plizyè gwoup lè y ap avanse”.
