Pwovèb 31:1-31
31 Men pawòl wa Lemwèl, yon mesaj enpòtan manman l te ba li pou ba l fòmasyon+:
2 Ki sa pou m di w, pitit gason m?Di m non, pitit gason m ki sot nan vant mwen an?Ki sa pou m di w, pitit gason m, ou menm mwen te fè ve pou ou a+?
3 Pinga w gaspiye fòs ou nan fi+!E pinga w al nan wout ki fè anpil wa peri a+!
4 O Lemwèl, men sa yon wa pa dwe fè:Yon wa pa dwe nan bwè diven,E chèf yo pa dwe di: “Kote bweson m nan+?”
5 Yon fason pou yo pa bwè e pou yo pa bliye sa lalwa di,Epi pou yo pa pase sou dwa moun ki pi ba yo.
6 Se moun ki pral mouri pou w bay bwason ki gen alkòl+,E se moun ki nan gwo lapenn* pou w bay diven+.
7 Se pou yo bwè pou yo ka bliye mizè yo!Se pou yo bliye pwoblèm yo nèt!
8 Pale pou moun ki pa ka pale yo.Defann dwa tout moun ki pral mouri yo+.
9 Pale pou yo, epi byen jije yo.Defann dwa* moun ki pi ba yo ak malere yo+.
א [Alèf]
10 Kiyès ki ka jwenn yon bon madanm*+?Yon bon madanm gen plis valè pase koray*.
ב [Bèt]
11 Mari l fè l konfyans ak tout kè l,E mari l pa manke anyen.
ג [Gimèl]
12 Chak jou nan lavi l,Li fè byen pou mari l pou sa l fè pou li, li pa fè l sa ki mal.
ד [Dalèt]
13 Li jwenn twal lenn ak twal len,Li renmen travay ak men l+.
ה [He]
14 Li menm jan ak bato komèsan yo+,L al chèche manje l byen lwen pot lakay li.
ו [Waw]
15 Epitou, li poko jou, li gentan levePou l bay moun lakay li manjeE pou l bay sèvant li yo manje+.
ז [Zayin]
16 Li gen nan lide l pou l achte yon tè, li achte l.Grasa travay li*, li fè yon jaden rezen.
ח [Hèt]
17 Li prepare l pou l travay di*+,Epi, li travay di ak men l.
ט [Tèt]
18 Li wè komès li ap mache,Lanp li toujou ret limen lannuit.
י [Yòd]
19 Li kenbe bwa yo konn woule fil la ak men lE li pran bobin fil la ak men l*+.
כ [Kaf]
20 Li lonje men bay moun ki nan nesesite yo,E li donan ak moun ki malere yo+.
ל [Lamèd]
21 Li pa enkyete pou moun lakay li lè gen gwo fredi,Paske tout moun lakay li gen rad pou yo chofe kò yo*.
מ [Mèm]
22 Li fè dra pou l kouvri kabann li.Li fè rad li ak twal len ansanm ak twal lenn vyolèt.
נ [Noun]
23 Tout moun konn mari l nan pòtay vil la+,Lè misye chita pami ansyen ki nan peyi a.
ס [Samèk]
24 Li fè rad* ak twal len pou l vannE li fè senti pou l bay komèsan yo.
ע [Ayin]
25 Li gen anpil kouraj e moun respekte l,Li pa bay tèt li pwoblèm pou sa k pral rive demen*.
פ [Pe]
26 Lè l pale, pawòl li montre li gen sajès+,Lè l ap anseye, li pale ak bonte*.
צ [Tsade]
27 Li veye sou sa k ap fèt lakay liE li pa parese menm+.
ק [Kòf]
28 Pitit li yo kanpe e yo fè lwanj pou li,Mari l kanpe e li fè lwanj pou li tou.
ר [Rèch]
29 Gen anpil bon fi*,Men, ou menm, ou pi bon pase yo tout.
ש [Chin]
30 Yon fi ka bèl, men sa ka pa gen okenn valè, e bèl li bèl la ka pa dire+.Men, y ap fè lwanj pou fi ki gen lakrentif pou Jewova a+.
ת [Taw]
31 Rekonpanse l pou sa l fè*+,E se pou yo fè lwanj pou li nan pòtay vil la pou travay li fè+.
Nòt anba paj
^ Oswa: “moun nanm yo anmè”.
^ Oswa: “Plede kòz”.
^ Oswa: “yon madanm ki kapab”.
^ Gade Lis mo yo esplike yo.
^ Oswa: “Ak sa l rantre”. Lit.: “Ak sa l reyalize ak men l”.
^ Lit.: “Li mare senti l ak fòs”.
^ Yo te konn itilize bwa yo konn woule fil la ansanm ak bobin fil la pou yo fè twal.
^ Lit.: “rad ki double”.
^ Oswa: “souvètman”.
^ Oswa: “Li ri jou k ap vini an”.
^ Oswa: “Li bay enstriksyon ki demontre lanmou; Lwa lanmou ki fidèl la sou lang li”.
^ Oswa: “anpil fi ki kapab”.
^ Lit.: “Ba l nan sa li pwodui ak men l”.
