Sòm 10:1-18
ל [Lamèd]
10 O Jewova, poukisa w kanpe lwen konsa a?Poukisa w kache nan moman difisil yo+?
2 Se avèk awogans mechan an ap kouri dèyè moun ki pa gen moun pou ede yo+,Men, l ap pran nan pwòp pyèj li+.
3 Mechan an ap vante tèt li pou move dezi li genyen*+.Li fè lwanj pou moun ki ava a*,נ [Noun]E li pa gen respè pou Jewova.
4 Mechan an gen ògèy, li pa chèche Bondye,Sèl sa k nan tèt li se: “Pa gen Bondye+.”
5 Li toujou reyisi nan sa l ap fè+,Men, li pa ka konprann lwa w yo+,E li pase tout advèsè l yo nan rizib*.
6 Men sa l di nan kè l: “Anyen pap brannen m*,Jenerasyon apre jenerasyon,Malè pap janm rive m+.”
פ [Pe]
7 Bouch li chaje madichon, manti ak menas+.Li sèvi ak lang li pou l bay moun pwoblèm e pou l blese moun+.
8 Li kache kò l toupre bouk yo.Kote l kache a, li touye moun ki inosan an+.
ע [Ayin]
Je l ap chèche yon moun pou l fè moun nan mal+.
9 Kote l kache a, l ap tann tankou yon lyon ki nan kachèt li*+.L ap tann pou l pran yon moun ki pa gen moun pou ede l.Li fèmen filè l sou li, li pran l+.
10 Li kraze moun nan e moun nan tonbe.Yon pakèt moun k ap soufri tonbe anba men l*.
11 Li di nan kè l: “Bondye bliye+.Li vire tèt li.Li pa janm wè anyen+.”
ק [Kòf]
12 O Jewova, leve kanpe+. O Bondye, leve men w kont li+.Pa bliye moun ki pa gen moun pou ede yo+.
13 Sa k fè moun ki mechan an derespekte Bondye?Li di nan kè l: “Ou pap mande m kont.”
ר [Rèch]
14 Men, se sèten ou wè pwoblèm yo ak soufrans yo.Ou wè yo e w pran kontwòl sitiyasyon an+.Se ou menm viktim yo vin jwenn+.Se ou menm ki ede timoun ki pa gen papa yo*+.
ש [Chin]
15 Kase bra mechan an, li menm k ap fè sa ki mal+.Konsa, lè w chèche mechanste l ap fè yo,Ou pap jwenn yo ankò.
16 Jewova Wa pou tout tan gen tan+.Nasyon yo disparèt sou tè a+.
ת [Taw]
17 Men, w ap tande priyè moun ki gen imilite yo fè, o Jewova+.W ap fè kè yo rete fèm+ e w ap konsantre w sou yo+.
18 W ap fè moun ki pa gen papa yo ak moun yo kraze yo jwenn jistis+,Yon fason pou moun sou tè a sispann fè yo pè+.
Nòt anba paj
^ Oswa: “pou dezi nanm li”.
^ Se kapab tou: “Moun ki ava a fè lwanj pou tèt li”.
^ Oswa: “li meprize tout advèsè l yo”.
^ Oswa: “Mwen pap janm kilbite”.
^ Oswa: “ki nan raje”.
^ Oswa: “anba grif li yo ki gen fòs”.
^ Oswa: “ki ede òfelen yo”.
