Sòm 105:1-45
-
Aksyon Jewova fè pou pèp li a ki montre jan Jewova fidèl
105 Di Jewova mèsi+, envoke non l.Fè moun nan pèp yo konnen aksyon l fè yo+.
2 Chante pou li, chante louwanj* pou li.Reflechi* sou tout gwo aksyon li fè yo+.
3 Se pou nou fyè pou n louwe non l ki sen+!Se pou moun k ap chèche Jewova yo rejwi+!
4 Chèche Jewova+, mande l pou l ban nou fòs.Toujou chèche èd nan men l.
5 Sonje gwo aksyon li fè yo,Sonje mirak li yo ak jijman li te pwononse yo+,
6 Nou menm desandan* Abraram, sèvitè l la+,Nou menm pitit gason Jakòb yo, nou menm li chwazi yo+.
7 Jewova se Bondye nou+.Li jije tout tè a+.
8 Li sonje alyans li te fè a pou toutan+,Pwomès li te fè pou 1 000 jenerasyon an+,
9 Alyans li te fè ak Abraram nan+,Pwomès li te fè Izarak sèman l ap reyalize a+,
10 Pwomès li te tabli kòm lwa pou Jakòb laE kòm yon alyans k ap la pou lontan li fè ak Izrayèl
11 Lè l te di: “M ap ban nou peyi Kanaran+Kòm eritaj pa nou+.”
12 Lè sa a, yo pa t anpil+,Non, yo pa t anpil e se etranje yo te ye nan peyi a+.
13 Yo te mache sot nan yon nasyon al nan yon lòt nasyon,Sot nan yon wayòm al nan yon lòt wayòm+.
14 Li pa t kite okenn moun maltrete yo+,Men li te blame plizyè wa poutèt yo+,
15 Li te di: “Pinga nou manyen moun mwen chwazi yo,E pinga nou fè pwofèt mwen yo anyen ki mal+.”
16 Li te fè yon gwo grangou tonbe sou peyi a+E li te fini ak rezèv pen yo*.
17 Li te voye yon moun devan yo,Yon moun yo te vann kòm esklav, anpalan de Jozèf+.
18 Yo te mete chenn nan pye l+,E yo te mete kou l nan chenn*.
19 Se pawòl Jewova a ki te fè l vin bon nèt*+Jiskaske lè a te rive pou sa Bondye te di a reyalize.
20 Wa a te voye lage l+,Wi, chèf pèp yo te libere l.
21 Li te mete l sou tèt moun lakay li,Li te mete l responsab tout byen l+,
22 Pou l te ka gen otorite sou* gwo chèf ki souzòd li yo jan l vle*E pou l te ka aprann granmoun yo sajès+.
23 Lè sa a, Izrayèl te vin ann Ejip+,Jakòb te vin ap viv kòm etranje nan peyi Kam nan.
24 Bondye te fè pèp li a fè anpil pitit+,Li te fè yo vin gen plis fòs pase advèsè yo+.
25 Li te kite Ejipsyen yo vin rayi pèp li a nan kè yo,Li te kite yo fè konplo sou do sèvitè l yo+.
26 Li te voye Moyiz, sèvitè l la+,Ansanm ak Arawon+, moun li te chwazi ki pou al avè l la.
27 Yo te fè mirak li te ba yo pouvwa pou yo fè nan mitan yo a,Wi, yo te fè mirak li yo nan peyi Kam nan+.
28 Li te voye fènwa e peyi a te vin tou nwa nèt+.Yo pa t dezobeyi sa l te di yo.
29 Li te fè dlo yo tounen sanE li te touye pwason yo+.
30 Krapo te anvayi peyi a+,Krapo te rive jis anndan chanm wa a.
31 Li te bay gwo mouch yo lòd pou yo anvayi peyi aE li te bay moustik yo lòd pou yo anvayi tout peyi a+.
32 Li te fè lapli tounen lagrèlE li te voye gwo kout zèklè* nan peyi yo a+.
33 Li te touye pye rezen yo ak pye fig frans yo.Li te depatcha tout pyebwa nan peyi yo a.
34 Li te bay lòd pou krikèt vèt anvayi peyi a,Yon kantite ti krikèt vèt moun pa t ka konte+.
35 Krikèt yo te devore tout plant nan peyi yo a,Yo te devore tout sa tè a te pwodui.
36 Apre sa, li te touye tout premye pitit peyi yo a+,Tout pitit ki te soti nan ren moun peyi a an premye yo.
37 Li te fè pèp li a kite peyi a avèk ajan ak lò+,E pa gen okenn moun nan tribi yo ki te fèb.
38 Moun nan peyi Ejip yo te kontan lè Izrayelit yo te alePaske yo te vin pè yo anpil+.
39 Bondye te mete yon nyaj bare pèp li a+E li te voye yon dife pou klere yo nan nuit+.
40 Lè yo te mande l vyann, li te ba yo zwazo* pou yo manje+.Li te ba yo pen ki te sot nan syèl la pou l plen vant yo+.
41 Li te fann yon wòch e dlo te soti ladan l+.Dlo te koule nan dezè a tankou rivyè+.
42 Paske, li te sonje pwomès sakre li te fè Abraram, sèvitè l la+.
43 Se konsa li te fè pèp li a kite peyi Ejip ak kè kontan+Li te fè moun li chwazi yo kite peyi a nan lajwa.
44 Li te ba yo peyi nasyon yo+,Yo te benefisye sa lòt pèp te travay di pou yo genyen+.
45 Li te fè sa pou yo te ka obeyi kòmandman l yo+Ak lwa l yo.Louwe Ja*!
Nòt anba paj
^ Oswa: “fè mizik”.
^ Se kapab tou: “Pale”.
^ Lit.: “semans”.
^ Lit.: “E li kase tout baton pen yo”. Petèt y ap pale de baton yo te konn itilize pou yo sere pen.
^ Oswa: “Yo te met nanm li nan fè”.
^ Mo ebre a gen rapò ak metal yo fonn pou yo netwaye l.
^ Oswa: “jan sa fè nanm li plezi”.
^ Lit.: “Pou l mare”.
^ Oswa: “voye flanm dife”.
^ Lit.: “kay”. Se yon zwazo ki gen anpil vyann (li mezire anviwon 18 sm longè). Vyann li bon anpil, menm jan ak vyann poul.
^ Oswa: “Alelouya”. “Ya” oswa “Ja” se non Jewova yon fason ki kout.
