Sòm 19:1-14
Pou moun k ap dirije mizisyen yo. Yon chante David te ekri.
19 Syèl la fè konnen glwa Bondye genyen+,Syèl la montre travay li fè ak men l+.
2 Jou apre jou, li kontinye ap pale,E nuit apre nuit, li kontinye bay konesans sou Bondye
3 San yon pawòl, san yon mo,San moun pa tande okenn vwa.
4 Poutan, temwayaj li bay la gaye* sou tout tè a,E mesaj li a rive jis nan dènye bout tè a*+.Bondye mete yon tant nan syèl la pou solèy la.
5 Solèy la tankou yon gason ki fèk marye k ap soti nan chanm li.Li kontan anpil tankou yon gason vanyan ki nan yon kous.
6 Li soti nan yon pwent syèl la,Li fè wonn li jis li rive nan lòt pwent lan+,E pa gen anyen ki pa jwenn chalè l.
7 Lwa Jewova yo bon nèt+, yo rebay fòs*+.Rapèl Jewova yo merite pou yo fè yo konfyans+, yo fè moun ki pa gen eksperyans yo vin saj+.
8 Lòd Jewova yo jis, yo fè kè moun kontan+.Kòmandman Jewova yo bon, yo louvri je moun+.
9 Lakrentif pou Jewova+ se yon bon bagay, l ap la pou toutan.Jijman Jewova yo se laverite, yo jis+.
10 Yo gen plis valè pase lò,Plis valè pase bon lò*+.Yo pi dous pase siwo myèl+, wi, pase siwo myèl k ap degoute sot nan gato myèl.
11 Yo avèti sèvitè w la+.Moun ki suiv yo jwenn anpil avantaj+.
12 Kiyès ki konn lè l fè erè+?Padone m pou peche m fè san m pa konnen yo.
13 Pa kite sèvitè w la fè sa li pa gen dwa fè+.Pa kite bagay mwen pa gen dwa fè yo gen pouvwa sou mwen+.Lè sa a, m ap bon nèt+E mwen pap fè peche ki chokan*.
14 Se pou pawòl ki sot nan bouch mwen ak refleksyon m ap fè nan kè mFè w plezi+, o Jewova, Mas Wòch mwen+, Sovè mwen+.
Nòt anba paj
^ Se kapab tou: “Poutan, li detire fisèl li genyen pou l pran mezi a”.
^ Oswa: “tè ki bay rannman an”.
^ Oswa: “yo fè nanm nan reviv (tounen)”.
^ Oswa: “pase lò ki rafine”.
^ Oswa: “pap fè anpil peche”.
