Sòm 71:1-24
71 O Jewova, se bò kote w mwen vin chèche pwoteksyon.Pa janm kite m wont+.
2 Ede m epi sove m, paske ou jis.Panche zòrèy ou* pou w koute m epi sove m+.
3 Se pou w tounen yon fòtrès pou mwen, yon fòtrès ki sou yon mas wòch,Kote m ka toujou al kache.Bay lòd pou yo sove mPaske ou se mas wòch mwen, ou se fòtrès mwen+.
4 O Bondye m nan, sove m anba men mechan yo+,Sove m anba men move moun k ap toupizi lòt moun yo.
5 Paske, se ou menm ki tout espwa m, o Jewova, Seyè ki Souvren an,Mwen gen konfyans nan ou depi lè m jèn+.
6 Depi lè m fèt m ap konte sou ou.Se ou menm ki te fè m soti nan vant manman m+.Mwen toujou ap fè louwanj pou ou.
7 Pou anpil moun, sa ki rive m nan se yon mirak,Men, ou se yon refij pou mwen, yon refij ki solid.
8 Se tout lajounen bouch mwenAp fè louwanj pou ou+ e l ap pale de glwa w.
9 Pa voye m jete lè m vin granmoun+,Pa lage m lè m fin pèdi fòs mwen+.
10 Paske, ènmi m yo ap pale m mal,E moun k ap chèche touye m* yo met tèt yo ansanm+,
11 Y ap di: “Bondye lage l.Annou kouri dèyè l, ann met men sou li paske pa gen moun k ap sove l+.”
12 O Bondye, pa rete lwen m.O Bondye m nan, fè vit vin ede m+.
13 Se pou moun ki kont mwen* yoVin wont e se pou yo peri+.Se pou moun ki vle malè pou mwen yoVin wont, se pou yo jwenn imilyasyon+.
14 Kanta pou mwen, m ap kontinye ret tann ou,M ap louwe w plis toujou.
15 M ap sèvi ak bouch mwen pou m fè konnen jan ou jis+.Tout lajounen, m ap fè moun konnen aksyon w fè pou w bay delivrans yo,Menmsi yo twòp pou m konprann* yo tout+.
16 M ap vini e m ap fè konnen gwo aksyon w fè yo,O Jewova, Seyè ki Souvren an.M ap fè konnen jan ou jis. Se de jistis ou sèlman m ap pale.
17 O Bondye, w ap anseye m depi lè m te jèn+,E jis kounye a mwen kontinye fè konnen gwo aksyon w fè yo+.
18 Menm lè m vin granmoun e cheve m vin blan, o Bondye, pa lage m+,Kite m fè jenerasyon k ap vini an konnen pouvwa* w,E kite m fè tout moun k ap vini yo konnen pisans ou+.
19 O Bondye, jistis ou se gwo zafè+.Ou fè yon seri bagay estrawòdinè, o Bondye.Kiyès ki tankou w+?
20 Menmsi w te kite m soufri anpil e w te kite malè rive m+,Ban mwen fòs ankò,Rale m pou m soti kote* ki byen fon ki sou tè a+.
21 Fè m vin gen plis diyite,Pwoteje m ankò e konsole m ankò.
22 Lè sa a, m ap louwe w avèk yon enstriman akòd,O Bondye m nan, paske w fidèl+.M ap chante louwanj* pou ou avèk hap*,O Bondye Izrayèl la, Bondye ki sen an.
23 M ap chante louwanj pou ou byen fò ak kè kontan+,Paske w sove lavi m*+.
24 Tout lajounen, lang mwen gen pou l pale de* jistis ou+,Paske moun k ap chèche fè malè rive m yo gen pou yo wont, e dezonè ap tonbe sou yo+.
Nòt anba paj
^ Oswa: “Bese”.
^ Oswa: “chèche nanm mwen”.
^ Oswa: “kont nanm mwen”.
^ Oswa: “konte”.
^ Lit.: “bra”.
^ Oswa: “soti nan dlo”.
^ Oswa: “M ap fè mizik”.
^ Gade Lis mo yo esplike yo.
^ Oswa: “Paske w rachte nanm mwen”.
^ Oswa: “pou l medite sou”.
