Anba pouvwa kiyès monn nan ye toutbonvre?
Èske se anba pouvwa...
-
Bondye?
-
lèzòm?
-
yon lòt moun?
MEN SA BIB LA DI
“Lemonnantye anba pouvwa Mechan an.” — 1 Jan 5:19.
“Pitit Bondye a parèt [...] pou kraze travay Satan an.” — 1 Jan 3:8, Bib la.
BYENFÈ SA KA POTE POU OU
W ap konprann rezon ki fè gen pwoblèm nan monn nan. — Revelasyon 12:12.
W ap gen bonjan rezon pou w kwè monn nan gen pou l vin bon. — 1 Jan 2:17.
ÈSKE NOU KA KWÈ NAN SA BIB LA DI YO TOUTBONVRE?
Wi, pou omwen twa rezon:
-
Pouvwa Satan pral fini. Jewova deside pou l retire lèzòm anba pouvwa Satan. Li pwomèt pou l “detwi [...] Dyab la” e pou l defèt tout bagay mal Satan te fè yo nèt. — Ebre 2:14, Tradiksyon monn nouvo a.
-
Bondye chwazi Jezi Kris pou dirije monn nan. Jezi pa menm ditou ak chèf monn nan ki san pitye e k ap chèche enterè pa l sèlman. Men sa Bondye pwomèt Jezi pral fè lè l pral dirije monn nan: “L ap gen pitye pou malere a ak moun ki pòv yo [...]. L ap delivre yo anba men moun k ap toupizi yo e anba vyolans.” — Sòm 72:13, 14.
-
Bondye pa ka bay manti. Labib di byen klè: “Li enposib pou Bondye bay manti.” (Ebre 6:18). Lè Jewova pwomèt l ap fè yon bagay, se kòmsi l deja fèt (Ezayi 55:10, 11)! Kidonk, “yo pral mete chèf monn nan deyò”. — Jan 12:31.
FÈ YON TI REFLECHI
Ki jan monn an ap ye lè yo fin detwi chèf li a?
Bib la reponn kesyon sa a nan SÒM 37:10, 11 ak REVELASYON 21:3, 4.
Lòt sijè ki enteresan
TOUDEGAD
Poukisa pa gen lapè nan monn nan?
Malgre bonjan efò anpil moun fè, lèzòm pa rive mete lapè nan monn nan. Aprann rezon ki fè sa.
ANSÈYMAN FONDAMANTAL KI NAN BIB LA
Poukisa Bondye pèmèt soufrans?
Anpil moun ap mande poukisa monn nan chaje ak lahèn ak soufrans konsa. Bib la bay yon repons ki bay satisfaksyon e ki konsole moun.
REPONS BIB LA BAY
Èske Dyab la egziste toutbonvre?
Èske Dyab la se jis yon tandans yon moun gen lakay li ki pouse l fè sa ki mal, oubyen èske li se yon moun toutbon?
ENFÒMASYON SOU NOU
Poukisa nou dwe etidye Labib?
Labib ap ede plizyè milyon moun toupatou sou tè a jwenn repons gwo kesyon yo. Èske w ta renmen youn nan moun sa yo?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
