1. Labib ak pwomès ki ladan’l

Ap ede’w andire.

Ou vin renmen sa’w aprann yo,

Ou wè se laverite.

Travay pou lafwa’w ret byen djanm,

Pa bliye jou Bondye a.

Se pou’w fidèl menm nan eprèv,

Pou’w ka pote laviktwa.

2. Kenbe lanmou’w te genyen an,

Paske ou ka pèdi’l.

Andire tout pwoblèm ou jwenn,

Menmsi sa ta rèd anpil.

Kèlkeswa eprèv ki parèt,

Pa kite dout anvayi’w.

Jewova ap ba’w delivrans,

Li pap janm sispann soutni’w.

 3. Moun ki andire nètale,

Se yo k’ap gen lavi.

Non yo ap nan liv lavi a,

E y’ap gen yon bèl avni.

Donk, lite pou’w gen andirans,

Kite’l fè travay li nèt.

W’ap gen amitye Jewova,

E w’ap jwi tout sa’l pwomèt.