FASON POU NOU KASE CHENN LAHÈN NAN
4 | Nou ka pote laviktwa sou lahèn grasa èd bondye
Sa Bib la anseye:
“Fwi lespri a se lanmou, lajwa, lapè, pasyans, byenveyans, bonte, lafwa, dousè, metriz.” — GALAT 5:22, 23.
Sa sa vle di:
Li posib pou nou kase chenn lahèn nan grasa èd Bondye. Lespri sen l ka ede nou pwodui yon seri kalite nou pa t ap janm ka posede poukont nou. Kidonk, olye n ap eseye venk lahèn ak pwòp fòs nou, n ap fè pi byen si nou konte sou èd Bondye bay la. Si nou fè sa, n ap ka fè menm eksperyans ak apot Pòl ki te ekri: “Mwen gen fòs pou tout bagay grasa Sila a ki ban m pisans lan.” (Filipyen 4:13). Vrèmanvre, n ap kapab di: “Se Jewova k ap pote m sekou.” — Sòm 121:2.
Sa w ka fè:
“Jewova te chanje m, alòske m te yon moun ki vyolan, li fè m vin yon moun ki renmen lapè.” — WALDO
Priye Jewova ak tout kè w, mande l ba w lespri sen l (Lik 11:13). Mande l pou l ede w demontre kalite ki soti nan li yo nan lavi w. Etidye sa Bib la di konsènan kalite k ap kontrekare lahèn, tankou lanmou, lapè, pasyans ak metriz. Chèche wè fason w ka kiltive kalite sa yo nan lavi pa w. Epi fè zanmi ak moun k ap eseye kiltive kalite sa yo menm jan avè w. Moun sa yo ka ‘pouse w gen lanmou, pouse w fè bèl aksyon.’ — Ebre 10:24
Lòt sijè ki enteresan
REPONS BIB LA BAY
Ki sa Bib la di sou kesyon fè kòlè a?
Èske nou toujou gen rezon pou n fè kòlè? Ki sa w dwe fè lè w kòmanse an kòlè?
