2022 թ. նոյեմբերի 21-ին Ինդոնեզիայի Արևմտյան Ճավա նահանգի Չիանջուր քաղաքի մոտակայքում 5.6 մագնիտուդով երկրաշարժ տեղի ունեցավ։ Այն ավելի քան 260 հոգու կյանք խլեց և հարյուրավորների վնասվածքներ պատճառեց։ Մի քանի տասնյակ մարդիկ անհետ կորած են, հազարավորներ տեղահանվել են։ Համատարած հոսանքազրկման պատճառով կապի միջոցներից օգտվելը դժվարացել է։

• Այդ տարածքի մեր 132 քույրերի ու եղբայրների շրջանում ոչ ոք չի մահացել, անհետ կորածներ չկան։

• 5 տուն թեթևակի վնասվել է։

• Թագավորության սրահներից և համաժողովների սրահներից ոչ մեկը չի վնասվել։

• Քայլեր են ձեռնարկվել, որ յուրաքանչյուր տարեց հավատակցի համար նշանակվի մի քարոզիչ, ով կօգնի նրան երկրաշարժի ցնցումները կրկնվելու դեպքում։

• Ժողովներին աջակցելու նպատակով աղետից տուժածներին օգնելու կոմիտե է կազմավորվել։

• Շրջանային վերակացուները այցելում են տուժած ժողովներ, որ հոգևորապես զորացնեն հավատակիցներին և Աստվածաշնչի օգնությամբ մխիթարեն։

• Բոլոր աշխատանքները իրականացվել են COVID-19 համավարակից պաշտպանվելու կանոնների համաձայն։

Վստահ ենք, որ Եհովան կմխիթարի մեր հավատակիցներին այս նեղության ժամանակ (Սաղմոս 50։15)։