2024 թ. հոկտեմբերի 21-ին «Տրամի» a արևադարձային փոթորիկը մեծ ավերածություններ պատճառեց Ֆիլիպիններում։ Հասնելով երկրի հյուսիս՝ այն ավելի ուժգնացավ և քամու ահեղ պոռթկումների պատճառ դարձավ, որոնց արագությունը հասնում էր 160 կմ/ժ-ի (99 մղոն/ժամ)։ Փոթորկի առաջացրած տեղատարափ անձրևների ու քամու պատճառով մեծամասշտաբ հեղեղումներ և սողանքներ եղան։ Վնասվեցին տներ ու ճանապարհներ, խափանվեցին կոմունալ ծառայությունները։ Տուժած տարածքում բնակվող ավելի քան վեց միլիոն մարդկանցից շուրջ մեկ միլիոնը ստիպված է եղել տարհանվել։ Առնվազն 126 մարդ զոհվել է։

• Ցավոք, 1 քույր մահացել է։

• 747 քարոզիչներ ստիպված են եղել լքել իրենց տները։

• 7 տուն ավերվել է։

• 24 տուն լրջորեն վնասվել է։

• 128 տուն թեթևակի է վնասվել։

• 8 Թագավորության սրահ թեթևակի վնասվել է։

• Հոգևորապես քաջալերելուց ու մխիթարելուց բացի՝ շրջանային վերակացուները և տեղի երեցները գործնական օգնություն են տրամադրում փոթորկից տուժածներին։

• Աղետից տուժածներին օգնելու 5 կոմիտե է կազմավորվել՝ հումանիտար աշխատանքները կոորդինացնելու նպատակով։

Մենք խորապես ցավում ենք, որ այս մոլեգին փոթորիկը խլել է մեր քրոջ կյանքը ու այդքան ավերածություն պատճառել։ Մխիթարվում ու հույսով ենք լցվում՝ հիշելով Եհովայի այն խոստումը, որ «առհավետ վերացնելու է մահը և բոլորի երեսից սրբելու է արտասուքը» (Եսայիա 25։8)։