Omauzeu nge twara komaundjiro
Omauzeu nge twara komaundjiro
“Momayuva omasenina mamu kara otuveze otuzeu.”—2 TIMOTEUS 3:1.
HAPO wa rora okumuna poo okuzuva ovitjitwa ovihihamise mbi mavi kongorere kehi mba?
● Omutjise omunaumba mbwa zepa ovandu ovengi.
● Ondjara ndja zepa ovandu ovengi.
● Omanyinganyingiro wehi nga zepa ovandu ovengi nu nga tjita kutja ve pandjare omaturiro wawo.
Komurungu mo kalesa ovitjitwa tjiva mbi mavi tjiti kutja u ripure ohunga novitjitwa mouye, tjimuna imbi mbya tamunwa kombanda mba. Nu wina mo kamuna kutja Ombeibela ya hunganeka ovitjitwa otja imbyo kutja mavi tjitwa “momayuva omasenina.” *
Otupa twi katu nondando yokukuraera kutja tu hupa mouye mbu nomauzeu omengi. Ove mape ya omauzeu otja ingo u ye muna omuini. Nungwari, otupa twi tu tjita kutja u kare nomaundjiro. Otwo tu raisa omayenenisiro womaprofetero hamboumwe, nge tja ‘omayuva omasenina’ yeri pokuya kondjandero. Nu otupa twi wina matu katara koumune tjiva wovandu mbu pirura ouatjiri mbwi, nu otwo matu yandja omapu omasemba ngu maye kurisa ongamburiro yoye moruyaveze.
[Omambo wokehi]
^ par. 7 Tji mo vanga okutjiwa kutja omena raye Mukuru tje yandjera oviṋa otja imbyo, lesa ehongwa ndi “Ongwaye Mukuru tje yandjera ourunde nokumuna ouzeu?” pomukuma 16 no 17 mokambo nga.