Kena 30 April 2019, penusah tanah tusur ke nyadi ngerusak sebegian ari San Jorge ba La Paz, Bolivia. Mayuh orang patut dipindahka ngagai endur bukai.

Nitihka riput ari pampang opis ba Bolivia, nadai seiku ari menyadi kitai bebadi tauka bakal ketegal penusah tu. Tang, bisi rumah ari dua iku menyadi kitai anchur ketegal penusah nya. Iya ke amat, bisi 11 iti ruang bilik Saksi Jehovah ke diau ba endur kena penusah tu. Tang, semina rumah sida aja ke bisi rusak mimit ketegal penusah tu.

Pampang opis ngatur Komiti Tulung Pengerusak Alam, tuai ti ngabas, enggau bala tuai gempuru ari menua nya empu kena ngering sereta meri bantu ba utai ke diguna bala menyadi kitai. Taja pia, bala Saksi Jehovah ba endur nya agi patut bejimat, laban tanah tusur nya engka ulih nyadi baru ketegal ujan.

Kitai amat beterima kasih laban menyadi kitai ba dia nadai bakal, lalu ulih nerima tulung ke diguna sida.—Galatia 6:10.