Ukai. Bup Kudus nadai madahka duit nya utai ti jai. Bup Kudus mega nadai madahka duit pun semua penyai. Ku orang selalu madah, “Duit ke ngasuh penyai nyadi.” Tang ukai semua leka jaku nya diambi ari Bup Kudus, nya kebuah orang selalu saru runding pasal ayat nya. Iya ke bendar, Bup Kudus madahka “pengangkun ke duit nya pun semua macham penyai,” ukai duit. a—1 Timoti 6:10.

•  Nama ajar Bup Kudus pasal duit?

•  Nama kebuah akunka duit nya ulih ngemediska?

•  Nama penguntung iya nitihka lalau ari Bup Kudus pasal duit?

•  Ayat Bup Kudus pasal duit

 Bup Kudus endang ngaku, enti duit dikena enggau chara ti betul, nya bisi pemanah, indah ulih dikumbai “pengelikun” ke kitai. (Pengajar 7:12) Kelimpah ari nya, Bup Kudus muji orang ke gerah jari, tu nyengkaum orang ke meri orang bukai duit.—Jaku Dalam 11:25.

 Taja pia, ajar Bup Kudus enda meransang kitai beberatka pengawa begigaka mayuh duit. Tang dalam Bup Kudus bisi madah, “Anang angkunka duit. Kita patut nemu puas ati ke utai ti dikemisi kita.” (Hebrew 13:5) Nya kebuah, kitai patut ngembuan runding ti betul pasal duit, lalu enda keran deka nyadi kaya. Kitai patut puas ati enti utai ke diguna kitai udah bisi. Ngambika chunto, pemakai, gari, sereta endur diau.—1 Timoti 6:8.

 Orang ke amu enda ulih bulih pengidup ti belama iya. (Epesus 5:5) Nama kebuah? Siti ari kebuah nya, ulah ti amu sama enggau orang ke nyembah engkeramba, tauka nyembah pengarap pelesu. (Kolosi 3:5) Pia mega, kesuah iya orang ke amu bebendar deka ngulihka utai kedeka sida lalu enda bedulika orang bukai. Jaku Dalam 28:20 madahka, “Enti nuan deka jampat kaya, nuan deka kena ukum.” Indah, sida engka senang deka ngereja utai ti jai baka jenayah, nipu, nabanka orang, tauka munuh orang bukai.

 Taja pan orang ke amu engka enda ngereja penyai, tang sida tetap deka bulih pemedis. Nitihka Bup Kudus, “Orang ke keran deka nyadi kaya, deka kena laban penguji, lalu dipanjuk mayuh macham pengingin ti beli, ti ngemedis, ti ngerusak.”—1 Timoti 6:9.

 Enti kitai enda ngelaban pengingin diri pasal utai ti salah, duit ulih ngasuh kitai ngereja utai ti jai sereta dipegedika Petara. Nya kebuah, kitai patut bejimat ngambi enda angkunka duit. Enggau chara nya, kitai tentu enggai ngereja utai ke ulih bejai nama diri, lalu Petara pan tentu gaga ati nyukung kitai. Petara besemaya ngagai orang ke bebendar deka ngelantangka ati Iya: “Aku enggai sekali-kali ninggalka kita, tauka ngelengkaka kita.” (Hebrew 13:5, 6) Iya mega meri jamin, “Orang ke lurus ati, deka idup lantang senang.”—Jaku Dalam 28:20.