Ketegal iya sempurna, Jesus enda ngasaika mayuh ari penusah enggau pengirau ke ditapi orang bukai. Tang iya ulih meretika asai ati sida. Penyiru meransang iya ngambika sanggup ngereja utai lebih ari ke patut kena nulung orang. Belajar meh ari teladan Jesus ba Pelajar 32, 37, 57, 99.

Mayuh orang enda ngira tuai biak rindu datai semak ngagai Jesus. Iya enda sumbung tauka kelalu kisuk enggau pengawa iya. Ketegal sida ulih ngasaika pengibuh Jesus, nya alai mayuh orang berasai nyamai begulai enggau iya. Peda meh Pelajar 25, 27, 95.

Jesus suah besampi ngagai Apai iya maya iya kediri, sereta maya iya enggau bala rasul enggau bala murid ke bukai. Iya besampi pasal mayuh pekara, ukai sebedau makai aja. Lebuh iya besampi, iya meri terima kasih enggau muji Apai iya, sereta minta iring sebedau ngaga pemutus ti penting. Peda meh teladan iya ba Pelajar 24, 34, 91, 122, 123.

Bisi maya iya, Jesus begunaka awak endur iya belelak. Tang iya agi sanggup ngenuluka utai ke diguna orang bukai. Kitai mega ulih neladan iya. Belajar meh ari teladan Jesus ba Pelajar 19, 41, 52.

Jesus ukai semina ngajar pasal pengampun, tang iya mega sanggup ngampunka penyalah bala murid iya sereta orang bukai. Nuan ulih berunding pasal teladan Jesus enggau dalam agi ari Pelajar 26, 40, 64, 85, 131.

Jaku benabi madahka mayuh orang Judah enggai nerima Messiah, lalu bala munsuh deka munuh iya. Nya alai, Jesus tau ngumbai diri enda ibuh bebendar nulung orang. Taja pia, iya amat ransing nyukung sembah ti bendar. Pengeransing iya nyadi teladan ngagai semua murid iya, taja pan orang enda ibuhka pesan ke ditusui sida tauka nyakal sida. Peda meh Pelajar 16, 72, 103.

Ketegal Jesus sempurna, iya bisi mayuh penemu sereta pintar agi ari orang bukai. Pia mega, iya tentu kering agi ari orang bukai laban tubuh iya sempurna. Tang iya sanggup ngintu orang bukai enggau ati ti baruh. Nuan deka belajar pasal tu ari Pelajar 10, 62, 66, 94, 116.

Jesus selalu sabar enggau bala rasul iya sereta orang bukai, taja pan sida enda neladan iya tauka enda nitihka ajar iya. Enggau sabar, iya seruran ngulang ajar iya ngambika sida ulih datai semak ngagai Jehovah. Perundingka meh pasal penyabar Jesus ba Pelajar 74, 98, 118, 135.