MENGKANG BEJAGA!

6 Juta Iku Orang Mati Ketegal Penyakit COVID—Nama Utai Ku Bup Kudus Pasal Utai Tu?

TEBAH

Nitihka riput Gerempung Pengerai Entarabansa (WHO) kena 23 Mei 2022, 6.27 juta iku orang mati ketegal penyakit COVID-19. Taja pia, siti agi riput ari WHO ke dikeluarka kena 5 Mei 2022 madahka iya ke amat jauh mayuh agi orang ke mati ketegal penyakit COVID. Riput nya madah ba taun 2020 enggau 2021, “kira-kira 14.9 juta iku orang . . . mati ketegal COVID tauka kesan ari pandemik tu.” Nama dipadah Bup Kudus pasal utai ti ngenyinuka ati tu?

Bup Kudus udah madah pasal pandemik ke deka nyadi

Jesus udah madah penyakit enggau “penyakit berampit” deka balat nyadi “ba mayuh bengkah endur” ba timpuh ke dikumbai “hari ti penudi.”—Luke 21:11, 2 Timoti 3:1.

Jaku benabi Jesus benung dikeamatka kemayaharitu. Kena nemu mayuh agi, bacha artikel “Nama Tanda “Hari ti Penudi” tauka “Pengujung Dunya”?”

Bup Kudus ngelantangka ati

‘Petara ti pun semua pengelantang. . . merindang kami lebuh kami dituntung semua macham penusah.’—2 Korint 1:3, 4.

Mayuh orang ke lenyau orang ti dikesayau bulih pengelantang ari Bup Kudus. Belajar mayuh agi ari artikel “Mutarka Penusah Ati—Utai ke Ulih Digaga Nuan Diatu” sereta “Tulung ti Pemadu Manah ngagai Orang ke Balat Tusah Ati.”

Bup Kudus madahka penanggul tu deka diputarka

“Datai meh Perintah Nuan. Nyadi meh peneka Nuan di dunya enggau di serega.”—Matthew 6:10.

Enda lama da agi ‘Perintah Petara’ deka nentuka “nadai orang . . . sakit.” (Mark 1:14, 15; Isaiah 33:24) Peda meh video Nama Reti Perintah Petara? kena nemu pasal perintah tu ke merintah ari serega, lalu utai ke deka digaga iya.

Kami ngelaluka nuan belajar mayuh agi pasal utai ti dipadah bup Kudus ngambika nuan enggau diri sebilik ulih bulih penguntung ari jaku lalau sereta semaya ari Petara.