Bup Kudus madah perang Armagedon ukai semina perang ba siti endur aja, tang nya perang entara semua perintah mensia enggau Petara.

•   “Pesan nya datai ari bala melikat ti jai . . . mupuk ngagai bala raja ba serata dunya, lalu ngempuruka sida ngagai perang ke nyadi maya hari besai Petara ti Pemadu Bekuasa. . . . Pesan nya ngempuruka bala raja nya ngagai endur ke dikumbai Armagedon dalam jaku Hebrew.”—Pemandang 16:14, 16.

 Leka jaku “Armagedon” datai ari leka jaku Hebrew Har Meghid·dohnʹ, ke mai reti “Bukit Megido.” Megido nya siti nengeri ba menua Israel kelia. Nya kebuah sekeda orang pechaya perang Armagedon bepun ari Israel. Tang maya perang Armagedon, “bala raja ba serata dunya” enggau semua soldadu sida deka begempuru. Megido, tauka nama-nama menua bukai ba Timur Tengah, enda chukup besai alai semua sida begempuru.

 Bup Pemandang ditulis “ngena tanda,” iya nya jaku sempama enggau gambar. (Pemandang 1:1) Nyadi, Armagedon ukai nuju ngagai siti endur, tang nya nerangka situasi ke deka nyadi di serata dunya. Nya meh kali ti penudi semua bansa angkat ngelaban Perintah Petara.—Pemandang 19:11-16, 19-21.