Kati Saksi-Saksi Jehovah Enda Ngemendarka Sekeda Wayang, Bup, tauka Lagu?
Ukai. Gerempung kami nadai nyebut pasal ni bagi wayang, bup tauka lagu ke enda ulih tauka enda dikemendarka Saksi Jehovah. Nama kebuah?
Bup Kudus meransang tiap iku orang patut nemu berunding kena “ngelala bida entara utai ti badas enggau utai ti jai.”—Hebrew 5:14.
Ayat Bup Kudus ulih meri sekeda prinsip ke ulih diperundingka orang Kristian maya sida milih pemerindang. a Tuju kami ‘giga utai ti ngerinduka ati Petara.’—Epesus 5:10.
Ajar ari Bup Kudus ngasuh tuai bilik nyaga ruang bilik iya. Nya alai, dalam sesiti ruang bilik, sida ulih nentuka ni bagi pemerindang ke ulih tauka enda ulih. (1 Korint 11:3; Epesus 6:1-4) Taja pia, nadai sapa-sapa ulih nagang cherita wayang, lagu, tauka bala artis ke bala menyadi bukai ba eklisia.—Galatia 6:5.
a Ngambika chunto, Bup Kudus begedika utai ti bekaul enggau pengasar, pengawa bemanang, tauka ulah seks ke enda bemoral.—Ulang Adat 18:10-13; Epesus 5:3; Kolosi 3:8.
Nuan Engka Rindu Meda Tu
TANYA ARI BALA NEMBIAK
Kati Musik ke Dipilih Aku nya Manah?
Laban musik nya bisi kuasa, pelajarka baka ni nuan ulih milih musik enggau manah.
ANIMASI PAPAN PUTIH
Video Game: Nuan Menang tauka Alah?
Video game ulih ngaga ati kitai, tang iya mega ulih mai penusah. Baka ni nuan ulih nyeliahka panjuk lalu nyadi pemenang ti bendar?
