Ihe Jizọs Mere

Gịnị Ka Anyị Na-amụta n’Aka Jizọs?

2. Anyị kwesịrị igosi ndị anyị na-amụrụ Baịbụl na anyị hụrụ ha n’anya ma kọwaara ha n’ezoghị ọnụ ihe ha kwesịrị ime ka ha na Jehova dịrịkwuo ná mma.

 Na-eme Ka Jizọs

3. Nyere onye ị na-amụrụ Baịbụl aka ikpebi ihe ndị ọ ga-eme ma mee ha.

1.   a. Jiri “Ihe Ị Ga-agba Mbọ Mee” nke dị n’isi nke ọ bụla n’akwụkwọ Na-enwe Obi Ụtọ Ruo Mgbe Ebighị Ebi nyere ya aka.

2.  b. Nyere ya aka ka ọ chọpụta ihe ndị ọ ga-eme ka o nwee ike ime ihe ndị o kpebiri ime, ma ndị ga-ewe obere oge ma ndị ga-ewe ogologo oge.

3.  ch. Na-aja ya mma mgbe niile maka otú o si eme nke ọma.

4. Chọpụta ihe ndị na-eme ka ọ ghara ịna-eme nke ọma, nyekwara ya aka imeri ha.

1.    Jụọ onwe gị, sị:

   • ‘Ọ bụrụ na onye m na-amụrụ Baịbụl anaghị agba mbọ ime baptizim, gịnị na-egbochi ya?’

   • ‘Olee ihe m ga-eme ka m nyere ya aka?’

2.   Kpee ekpere ka Jehova mee ka i jiri obi ike gwa ya hoo haa ihe o kwesịrị ime, kwuokwa ya otú na-egosi na ị hụrụ ya n’anya.

5. Kwụsị ọmụmụ Baịbụl ahụ ma ọ bụrụ na ọ naghị eme nke ọma.

1.    Jụọ onwe gị ajụjụ ndị a ka ị mata ma onye ị na-amụrụ Baịbụl ọ̀ na-eme nke ọma:

   • ‘Onye m na-amụrụ ihe ọ̀ na-eme ihe ọ na-amụta?’

   • ‘Ọ̀ na-abịa ọmụmụ ihe ma na-agwa ndị ọzọ eziokwu ọ na-amụta?’

   • ‘Ọ̀ bụrụ na ọ mụọla ihe ruo ogologo oge, ọ̀ chọrọ ịbụ Onyeàmà Jehova?’

2.   Ọ bụrụ na onye ị na-amụrụ ihe achọghị ime nke ọma:

   • Gwa ya ka o chebara ihe o nwere ike ịbụ ya mere na ọ naghị eme nke ọma echiche.

   • Meda obi kọwaara ya ihe mere i ji akwụsị ọmụmụ ihe gị na ya.

   • Gwa ya ihe o kwesịrị ime tupu gị amụwara ya ihe ọzọ.