Abụ Ọma 104:1-35
104 Ka m* too Jehova.+
Jehova Chineke m, ị bụ nnọọ onye ukwu.+
I yi ebube na ùgwù ka uwe.+
2 I ji ìhè kpuchie onwe gị+ ka ákwà.
Ị na-agbasa eluigwe ka ákwà ụlọikwuu.+
3 Ọ bụ na mmiri dị n’elu* ka ọ rụkwasịrị ụlọ ya ndị dị n’elu.+
Ọ na-eji ígwé ojii emere ụgbọ ịnyịnya.+
Ọ na-agagharị n’elu ifufe.+
4 Ọ na-eme ka ndị mmụọ ozi ya sie ike,Na-emekwa ka ndị ozi ya bụrụ ọkụ na-erechapụ ihe.+
5 Ọ tọsiri ntọala ụwa ike.+
A gaghị ebupụli ya ebupụ* ruo mgbe niile ebighị ebi.+
6 I ji oké osimiri kpuchie ya ka ákwà.+
Mmiri tochiri ugwu dị iche iche.
7 Ị bara mba, ha asọghachi azụ.+
Mgbe ha nụrụ ụda égbè eluigwe gị, ha tụrụ ụjọ sọghachi azụ
8 N’ebe ị tọrọ ntọala ka ha dịrị.
Ugwu wee dịrị,+ ndagwurugwu adịrịkwa.
9 Ị kpaara ha ókè ebe ha na-agaghị agafe,+Ka a ghara inwe mgbe ha ga-etochi ụwa ọzọ.
10 Ọ na-eme ka iyi dịrị na ndagwurugwu.
Ha na-asọ n’agbata ugwu dị iche iche.
11 Ọ bụ mmiri si na ha ka anụ ọhịa na-aṅụ.
Jakị ọhịa na-aṅụ ya ma mmiri gụwa ha.
12 Nnụnụ na-akpa akwụ́ n’elu osisi ndị dị n’akụkụ mmiri ndị ahụ.
Ha na-anọ n’alaka ha akwụkwọ juru na-ebe ubé.
13 Ọ na-esi n’ụlọ ya ndị dị n’elu agba ugwu dị iche iche mmiri.+
Ihe ndị ị na-emepụta na-ezuru ụwa.+
14 Ọ na-eme ka ahịhịa na-epuru anụmanụ,Na-enyekwa ndị mmadụ ihe ha ga-akụ,+Ka ha wee si n’ala na-enweta ihe oriri
15 Na mmanya nke na-eme ka obi tọọ mmadụ ụtọ,+Mmanụ nke na-eme ka ihu mmadụ na-egbuke egbuke,Nakwa nri nke na-eme ka mmadụ nwee obi ụtọ.+
16 Osisi Jehova kụrụ na-enweta mmiri na-ezuru ya,Ya bụ, osisi sida ndị dị na Lebanọn,
17 Bụ́ ebe nnụnụ na-akpa akwụ́ ha.
Ụgbala ọcha*+ na-ebi n’osisi junipa.
18 Ewu ọhịa na-anọ n’ugwu ndị dị elu.+
Ewi nkume na-ezo ná nnukwu nkume.+
19 O kere ọnwa ka e jiri ya na-amata oge dị iche iche.
Anyanwụ ma oge o kwesịrị ịda.+
20 Ị na-eme ka ọchịchịrị gbaa, chi ejie.+
Ọ bụ mgbe ahụ ka anụ ọhịa niile na-akpagharị.
21 Ọdụm na-agbọ ụja mgbe ha na-achọ anụ ha ga-eri.+
Ha na-achọ nri Chineke ga-enye ha.+
22 Mgbe anyanwụ pụtara,Ha na-alaghachi gaa makpuru n’ebe ha na-ebi.
23 Mmadụ na-apụ gawa ọrụ ya,Ọ na-arụgidekwa ọrụ ruo mgbede.
24 Jehova, ọrụ ị rụrụ dị nnọọ ọtụtụ.+
I ji amamihe rụọ ha niile.+
Ihe ndị i kere eke juru n’ụwa.
25 Oké osimiri buru ezigbo ibu ma saa mbara.
Imirikitiimi ihe ndị dị ndu, ma ndị ukwu ma ndị nta, juru n’ime ha.+
26 Ụgbọ mmiri na-aga na ha.
Nnukwu anụ mmiri,*+ nke i kere ka ọ na-egwuri egwu n’ime ha, na-agakwa na ha.
27 Ha niile na-eche gịKa i nye ha ihe ha ga-eri n’oge kwesịrị ekwesị.+
28 Ihe ị na-enye ha ka ha na-eri.+
Ọ bụrụ na ị saghee aka gị, ha na-enweta ihe ọma na-ezuru ha.+
29 Ọ bụrụ na i wepụ ihu gị, obi anaghị ezu ha ike.
Ọ bụrụ na i mee ka ha kwụsị iku ume,* ha na-anwụ laghachi n’ájá.+
30 Ọ bụrụ na i zipụ mmụọ nsọ gị, a na-eke ha.+
Ị na-emekwa ka ala dị ọhụrụ.
31 Jehova ga na-adị ebube ruo mgbe ebighị ebi.
Jehova ga-aṅụrị ọṅụ n’ihi ọrụ ya.+
32 O lee ụwa anya, ụwa amaa jijiji.
O metụ ugwu dị iche iche aka, ha akwụọ anwụrụ ọkụ.+
33 M ga-abụku Jehova abụ+ n’oge niile m dị ndụ.
M ga-abụku Chineke m abụ otuto n’oge niile m dị ndụ.+
34 Ka ihe m na-eche n’echiche dị ya mma.*
M ga na-aṅụrị ọṅụ n’ihi Jehova.
35 A ga-ekpochapụ ndị mmehie n’ụwa.
Ndị ajọ omume agaghịzi anọ.+
Ka m* too Jehova. Toonụ Jaa!*
Ihe E Dere n'Ala Ala Peeji
^ Ma ọ bụ “mkpụrụ obi m.”
^ Na Hibru, “n’ime mmiri.”
^ Ma ọ bụ “A gaghị eme ka ọ maa jijiji.”
^ Ma ọ bụ “Shekeleke.”
^ Na Hibru, “Levayatan.” Gụọ Nkọwa Okwu.
^ Ma ọ bụ “i wepụ mmụọ ha.”
^ O nwere ike ịbụ, “Ka ihe m na-atụgharị n’uche banyere ya dị ya ụtọ.”
^ Ma ọ bụ “mkpụrụ obi m.”
^ Ma ọ bụ “Haleluja!” “Jaa” bụ mkpọbiri aha Jehova.
